10.1:195  CONSILIA.  la  qu'il  ny  avoit  aucuns  images  en  leglise  et  se  contentoient  davoir  des  vaisscaulx.  Laetance  au  livre  de  la  faulse  religion  dict:  Pourquoy  ne  vous  adressez  vous  plus  tost  a  ce  qui  est  au  ciel?  Arnobe  dit  le  mesme.  Le  sacrifice  est  deu  a  Dieu.  Aug.  contra  Faustum  lib.  20.  Lencen&ement  est  une  partye  et  estoit  une  chose  non  oye  du  vivant  de  Tertullien  qui  dict:  Thura  non  emimus.  Le  mesme  dict  des  coronnemens  qui  se  baillent  maintenant  au  livre  de  corona  militis.  Quant  a  la  prestation  1)  iay  dict  quil  y  a  reverance  deue  a  Dieu  que  iay  appelle  religieuse,  lautre  aux  hommes  qui  est  civile.  Et  de  faict  8.  Augustin  parlant  de  dulia  il  dict  quil  y  a  deux  manieres  de  services:  lune  deue  a  Dieu,  lautre  civile  qui  est  deue  aux  princes.  Or  une  inclination  civile  pourquoy  se  feroit  elle  aux  images?  Il  ny  a  point  dordrc  ne  de  raison.  Ie  dictz  quil  y  a  choses  qui  se  chantent  en  leglise  qui  repugnent  a  Dieu,  comme  de  lim  age  de  la  vierge  :  Non  omnibus  es  omnia.  Il  y  a  une  autre  prose  ou  il  dict:  Iure  matris  impera.  Et  demande  si  cella  nest  pas  proprement  espece  dimpiete  et  idolatrye.  Les  payens  attribuoyent  les  choses  advenir  aux  idoles:  le  mesmes  se  faict  a  8.  Anthoine  de  Padue,  a  nostre  dame  de  Bonne  novelles  et  autres.  Il  a  este  dict  de  la  loy  de  nature  quelle  ne  deffend  les  simulachres.  Mais  S.  Paul  dict  que  ces  gens  la  ont  change  la  nature  de  Dieu  incorruptible  en  chose  corruptible.  Quant  a  Betel  il  ny  a  point  eu  erection  de  simulachre  mais  seulement  un  tesmoignage  davoir  la  veu  la  vision  de  Dieu.  Quant  a  adoration  on  a  dict  quil  failloyt  prendre  ladoratiou  interieure  non  lexterieure.  Ie  dictz  oultre,  que  Origene  sur  le  xxe  Exode  homelye  8  e  utrumque  resecat.  Le  mesme  autheur  premier  chapitre  des  Romains  livre  premier.  De  la  ie  concludz  que  par  la  propriete  du  mot  il  fault  prendre  adorer  en  sa  propre  signification  et  que  tout  honneur  et  interieur  et  exterieur  est  prohibe  aux  images.  Il  a  este  dict  quil  ny  a  homme  si  grossier  quil  peut  adorer  les  images  et  que  lon  ne  dict  point:  Image  ie  te  prye.  Il  se  respond  que  lon  a  donne  a  limage  le  nom  de  la  chose  signifyee  par  laquelle  on  la  nomme  et  appelle:  mais  pourtant  on  ne  laisse  de  sadresser  a  limage.  Et  croy  que  le  peuple  estant  affolle  de  certains  images  attache  le  sainct  avec  limage.  Quant  a  la  croix  se  trouvera  lidolatrye  qui  a  este  attachee  par  la  consecration  que  lon  a  accoustume  de  fere  en  leglise  du  boys  la  dicte  croix  qui  est  appelle  nostre  esperance.  Au  reste  ie  confesse  que  le  signe  de  la  croix  est  fort  ancien  en  leglise  et  mectz  difference  entre  les  images  et  ce  signe,  1)  prosternation  (?).