1:195  [CO  1.  195]  dignitatibus  absurditas.  In  sacramento  conferri  gratiam  spiritus  sancti  affirmant,  coitum  tradunt  esse  sacramentum:  in  coitu  negant  unquam  spiritum  sanctum  adesse.  1)  Ac  ne  simpliciter  ecclesiam  luderent,  quam  longam  errorum, [p. 399]  mendaciorum,  fraudum,  nequitiarum  seriem  uni  errori  attexuerunt?  Ut  dicas  nihil  aliud  quam  abominationum  latebram  quaesisse,  dum  e  matrimonio  sacramentum  fecerunt.  Ubi  enim  id  semel  obtinuere,  coniugialium  causarum  cognitionem  ad  se  traxerunt;  quippe  res  spiritualis  erat,  profanis  iudicibus  non  attrectanda.  Tum  leges  sanxerunt,  quibus  tyrannidem  suam  firmarunt;  sed  partim  in  Deum  manifeste  impias,  partim  in  homines  iniquissimas,  quales  sunt:  ut  coniugia  inter  adulescentulos,  parentum  iniussu  contracta,  firma  rataque  maneant;  ne  inter  cognatos,  ad  septimum  usque  gradum,  legitima  sint  matrimonia,  et  quae  contracta  sint,  dissolvantur.  Gradus  vero  ipsos,  contra  gentium  omnium  [OS  223]  iura  et  Mosis  quoque  politiam  confingunt;  ne  viro,  qui  adulteram  repudiaverit,  alteram  inducere  liceat;  ne  spirituales  cognati  matrimonio  copulentur;  ne  a  septuagesima  ad  octavas  Paschae,  tribus  hebdomadibus  ante  natalem  Ioannis,  ab  adventu  ad  Epiphaniam,  nuptiae  celebrentur,  et  similes  innumerae,  quas  recensere  longum  fuerit.  Et  ex  eorum  coeno  aliquando  emergendum  est,  in  quo  iam  diutius  haesit  oratio,  quam  animus  ferebat.  Aliquantulum  tamen  mihi  profecisse  videor,  quod  leonis  pellem  istis  asinis  quadam  ex  parte  detraxi.  DE  LIBERTATE  CHRISTIANA,  POTESTATE  ECCLESIASTICA,  ET  POLITICA  ADMINISTRATIONE.  Cap.  VI. [p. 400]  Tractandum  nunc  de  christiana  libertate.  Cuius  explicatio  praetermitti  minime  ab  eo  debet,  cui  summam  evangelicae  doctrinae  compendio  complecti  propositum  sit.  Est  enim  res  apprime  necessaria  ac  citra  cuius  cognitionem  nihil  fere  sine  dubitatione  aggredi  conscientiae  audent,  in  multis  haesitant  et  resiliunt,  semper  variant  et  trepidant.  Sed  nos  planiorem  eius  disputationem  (nam  leviter  supra  a  nobis  attacta  est)  in  hunc  locum  reiecimus.  Quia  statim  atque  iniecta  est  aliqua  mentio  chri-  1)  Lib.  4.  sentent.  33.  dist.  c.  2  et  32.  quaest.  2.  c.  quidquid  et  sq.