9:194  ret  quam  vanum  sit  ac  calumniosum,  nos  mysterium  hoc  ratione  humana  metiri.  Sed  quia  ex  alta  cerebri  sui  pertinacia  opus  Christi  despiciunt  Magdeburgenses,  corruere  omnes  fingunt  qui  a  suo  placito  non  pendent.  Utinam  [pag.  157]  starent  ipsi  potius  in  solida  fultura  quam  alios  inani  tonitru  praecipites  deiicerent.  Idem  coaxant*)  articulo  vigesimo  quinto.  Quid  enim  aliud  potius  dicerem?  Horrori  volunt  esse  nostram  theologiam,  quia  non  sapit  nisi  ea  quae  sunt  carnis.  Quasi  vero  hoc  dictet  caro,  per  coelum  et  terram  penetrare  immensam  Christi  virtutem,  ut  nos  e  coelo  carne  sua  pascat:  carnem  quae  natura  mortalis  fuit,  nobis  vitae  fontem  esse:  quidquid  visibili  symbolo  figurat  vere  ab  ipso  impleri:  ideoque  carnem  Christi  in  coena  non  secus  spirituale  esse  alimentum  quam  corpora  pane  quotidie  pascuntur.  Magis  etiam  putidum  est  quod,  ad  carnis  sensum  quem  nobis  affingunt  damnandum,  octavum  Pauli  ad  Romanos  caput  citant,  ubi  sensum  carnis  dicit  inimicum  esse  Deo.  Haec  eorum  in  tractanda  scriptura  religio  est.  Ac  ne  quid  ad  cumulum  fatuitatis  desit,  assuunt  quasi  ex  Paulo:  Item,  qui  fide  sacramentariorum  sumit,  reus  est  [pag.  158]  corporis  et  sanguinis  Christi.  Atqui  si  eorum  more  ludere  libeat,  ex  eorum  verbis  eliciam,  non  opus  esse  igitur  carnali  manducatione,  ut  quis  reus  sit  corporis  et  sanguinis  Christi.  Nam  fides  nostra  crassam  eorum  manducationem  excludit,  quam  tamen  ex  Pauli  verbis  eruere  contendunt.  Vigesimo  sexto  capite  iniquissime  exprobrant  sacramenti  huius  dignitatem  a  nobis  elevari.  Nihil  enim  potest  in  sacram  coenam  competere  quod  non  splendidissime  a  nobis  ornetur  :  nisi  forte  quia  Christi  corpus  tam  Iudae  quam  Petro  deglutiendum  non  tradimus.  Hoc  tamen  ut  persuadeant,  negant  nos  discernere  inter  nudas  promissiones  et  sacramentis  vestitas.  Quasi  ubi  sua  omnia  protulerint,  non  luculentius  et  uberius  ex  scriptis  nostris  discant  lectores  quam  efficaciter  operetur  Christus  in  coena  et  baptismo.  Vicesimo  septimo  capite  obiiciunt  solvi  a  nobis  Christi  personam,  quia  negamus  [pag.  159]  posse  in  natura  humana  esse  ubicunque  velit.  Si  haec  est  personae  solutio,  humanae  Christi  naturae  eripi  necesse  erit  quod  eius  maxime  proprium  est,  ne  desinat  esse  mediator.  Quid  autem  absurdius  fingi  potest,  quam  in  coelo  fuisse  Christi  carnem  dum  ia  cruce  pendebat?  Neque  tamen  dubium  est  quin  totus  Christus  deus  et  homo  tunc  quoque  in  coelo  fuerit.  Sed  istis  superbis  censoribus  tenenda  erat  vulgaris  distinctio,  quae  nec  Petro  Lombardo,  2)  nec  sophistis  qui  postea  sequuti  sunt,  fuit  incognita:  1)  ilz  gazouillent.  2)  Lib.  3  Senten.  dist.  22.  13