7:194  que  nous  presentent  ces  malheureux.  Toutesfois  ilz  ont  tousiours  ce  subterfuge,  que  rien  ne  se  faict  que  par  la  volunte  de  Dieu.  A  cela  ie  respons,  que  touchant  les  oeuvres  que  nous  faisons,  nous  avons  a  considerer  la  volunte  de  Dieu,  selon  qu'il  la  nous  declaire.  Comme,  pour  exemple,  il  nous  commande  de  conserver  a  chacun  le  sien,  sans  faire  [page  109]  tort  ne  dommage  a  personne.  Voila  sa  volunte  toute  claire.  Il  ne  faut  plus  donc  enquerir  que  c'est  qu'il  luy  plaist.  Car  en  faisant  cela,  nous  savons  que  nous  ferons  sa  volunte:  semblablement  nous  savons  que  le  contraire  luy  desplaist.  Si  donc  un  homme  desrobe,  et  puis  apres  dict  qu'il  n'a  rien  faict  que  la  volunte  de  Dieu,  il  ment  faulsement  1)  :  entant  qu'il  est  contrevenu  au  commandement  par  lequel  il  estoit  enseigne  d'icelle.  On  demandera  s'il  se  peut  rien  faire  maugre  Dieu.  Ie  confesse  que  non.  Mais  le  tout  est  que  nous  n'aillions  point  enquerir  sur  sa  providence,  qui  nous  est  secrette:  puis  que  nous  savons  ce  qu'il  demande  de  nous,  et  ce  qu'il  approuve  ou  condamne.  Ce  n'est  pas  sans  cause,  que  Salomon  dict,  que  celuy  qui  espluschera  trop  avant  la  maieste,  sera  accable  par  sa  gloire  (Prov.  25,  27).  Il  faut  qu'il  en  advienne  ainsi  et  que  Dieu  punisse  en  telle  facon  l'arrogance  des  presomptueux:  et  nous  en  avons  l'experience  en  ceux  cy,  lesquelz  voulans  monter  pardessus  les  nues,  pour  chercher  [page  110]  la  volunte  de  Dieu,  au  lieu  de  se  tenir  a  la  revelation  qui  nous  en  est  faicte  en  la  saincte  escriture,  tombent  en  des  absurditez  si  brutalles,  que  c'est  horreur  que  d'en  ouyr  parler.  CHAPITRE  XVI.  De  la  troisiesme  consequence  que  tirent  les  Libertins  de  ce  propos,  que  Dieu  faict  tout:  c'est  qu'il  n'est  point  licite  de  rien  condamner.  Apres  qu'ilz  ont  lasche  la  bride  a  un  chacun,  de  faire  ce  que  bon  luy  semble,  soubz  ombre  de  se  laisser  conduire  par  Dieu:  ilz  deduisent  de  ce  mesme  principe,  que  c'est  mal  fait  de  iuger.  Or  ilz  ne  sauroyent  avoir  doctrine  plus  propre  ne  meilleure  pour  donner  ouverture  a  leurs  abominations.  Car  ilz  ont  beaucoup  gaigne  quand  ilz  ont  tellement  bende2)  les  yeux  a  leurs  auditeurs,  ou  plustost  creve,  que  nul  n'entreprenne  plus  de  iuger,  si  ce  qu'ilz  disent  et  qu'ilz  font  est  bon  ou  mauvais.  Mais  si  nous  leur  concedons  ce  poinct,  que  1)  impudenter.  2)  obstruxerunt.  13