56:194  avec  Isaac,  et  aussi  ie  me  souviendray  de  mon  alliance  avec  Abraham,  et  auray  memoire  de  la  terre.  43.  La  terre  sera  laissee  d'eux,  et  la  terre  prendra  plaisir  en  ses  Repos  estant  desolee  d'eux:  mais  ils  prieront  tousiours  pour  leur  iniquite,  d'autant  qu'ils  ont  reprouve  mes  iugemens,  et  que  leur  ame  a  eu  en  abomination  mes  ordonnances.  44.  Et  neantmoins  encore  qu'ils  soyent  en  la  terre  de  leurs  ennemis,  si  ne  les  auray-ie  point  reprouvez,  et  ne  les  auray  point  eu  en  abomination,  pour  les  con*  sumer,  en  rompant  mon  alliance  avec  eux:  car  ie  suis  l'Eternel  leur  Dieu.  45.  Et  auray  memoire  d'eux  pour  l'alliance  du  temps  passe,1)  les  ayant  retirez  du  pays  d'Egypte  devant  les  gens,  pour  estre  leur  Dieu:  ie  suis  l'Eternel.  46.2)  Telles  sont  les  ordonnances,  les  iugemens  et  loix  que  l'Eternel  a  donnees  entre  soy  et  les  enfans  d'Israel  en  la  montagne  de  Sinai  par  la  main  de  Moyse.  Chapitre  XXVII.  1.  L'Eternel  aussi  parla  a  Moyse,  disant,  2.  Parle  aux  enfans  d'Israel  et  leur  di,  Si  quelqu'un  a  fait  voeu  de  quelque  personne  a  l'Eternel  selon  ton  estimation.  3.  Ton  estimation  du  masle  depuis  l'aage  de  vingt  ans  iusqu'a  l'aage  de  soixante  ans,  sera  du  prix  de  cinquante  siclos  d'argent  selon  le  poids  du  Sanctuaire.  4.  Mais  si  c'est  une  femelle,  l'estimation  sera  de  trente  sicles.  5.  Si  c'est  du  masle  depuis  l'aage  de  cinq  ans  iusqu'a  l'aage  de  vingt  ans,  l'estimation  sera  de  vingt  sicles:  mais  de  la  femelle,  de  dix  sicles.  6.  Item,  si  c'est  de  celuy  qui  est  de  l'aage  d'un  mois  iusqu'a  l'aage  de  cinq  ans,  l'estimation  du  masle  sera  de  cinq  sicles  d'argent:  mais  l'estimation  de  la  femelle  sera  de  trois  sicles  d'argent*  7.  Item,  si  c'est  de  celuy  qui  est  aage  de  soixante  ans  et  au  dessus,  s'il  est  masle  l'estimation  sera  de  quinze  sicles:  mais  de  la  femelle,  de  dix  sicles.  8.  Item,  s'il  est  plus  povre  que  ton  estimation,  il  comparoistra  devant  le  Sacrificateur,  lequel  l'estimera  selon  la  possibilite  de  celuy  qui  a  fait  le  voeu.  9.  Item,  si  c'est  une  beste  de  quoy  on  offre  oblation  a  l'Eternel,  tout  ce  qui  aura  este  donne  a  l'Eternel  sera  sainct.  10.  Il  ne  la  permutera  point,  et  ne  changera  point  ceste  bonne  pour  une  mauvaise,  ou  une  mauvaise  pour  une  bonne.  Que  s'il  change  une  beste  pour  une  autre  beste,  ceste-ia,  et  celle  qui  est  changee  seront  sainctes,  ll.  Et  si  c'est  quelque  beste  souillee  de  quoy  on  n'offre  point  a  l'Eternel,  on  presentera  la  beste  devant  le  Sacrificateur,  12.  Lequel  l'estimera  soit  bonne  ou  mauvaise,  et  selon  l'estimation  du  Sacrificateur  il  en  sera  fait  13.  Mais  s'il  la  veust  *)  En  marge:  ou,  des  predecesseurs.  O.  des  premiers,  lesquelz.  46  suiv.  des  predecesseurs,  lesquels.  2)  Ce  verset  manque  dans  le  commentaire.  13