55:194  nunc  non  supervacua  modo,  sed  noxia  esse  appareat,  quando  a  vera  sacrificandi  regula  nos  abstrahunt.  Summa  haec  est,  si  Deo  sacrificare  libeat,  ipsum  esse  invocandum,  et  cum  gratiarum  actione  praedicandam  esse  eius  bonitatem,  deinde  fratribus  nostris  benefaciendum  esse:  haec  esse  vera  sacrificia  in  quibus  occupari  veros  Christianos  deceat:  aliis  iam  non  esse  tempus  vel  locum.  Et  quum  dicit,  talibus  delectatur  Deus,  subest  tacita  antithesis,  quod  nunc  vetera  illa  quae  mandaverat  usque  ad  legis  abrogationem,  amplius  non  postulet.  Caeterum  huic  doctrinae  annexa  est  exhortatio,  quae  vehementer  stimulare  nos  debet  ad  exercendam  erga  proximos  beneficentiam.  Neque  enim  haec  vulgaris  est  dignatio,  quod  quae  hominibus  impendimus,  Deus  in  sacrificiis  sibi  oblatis  deputat:  et  quod  nostra  officia,  quae  nullius  erant  pretii,  tantopere  ornat  ut  sacra  esse  pronuntiet.  Quare  ubi  inter  nos  caritas  non  viget,  non  homines  tantum  fraudamus  iure  suo,  sed  Deum  ipsum,  qui  solenni  elogio  sibi  dicaverat  quidquid  iubebat  hominibus  impendi.  Communicationis  nomen  latius  patet  quam  Beneficentiae.  Omnia  enim  officia  complectitur  quibus  se  mutuo  iuvant  homines:  atque  haec  vera  est  caritatis  nota,  quum  inter  se  communicant  qui  Dei  spiritu  simul  sunt  coniuncti.  17.  Parete.  Non  dubito  quin  de  pastoribus  loquatur  et  reliquis  ecclesiae  gubernatoribus.  Nam  neque  tunc  christiani  magistratus  erant:  et  quod  v  i  g  i  l  a  r  e  eos  dicit  pro  animabus,  ad  spirituale  regimen  proprie  pertinet.  Primo  obedientiam,  deinde  honorem  illis  deferri  iubet.  Haec  duo  necessario  requiruntur,  ut  plebs  fidem  ao  simul  reverentiam  pastoribus  habeat.  Sed  notandum  est  simul,  apostolum  de  iis  tantum  agere  qui  munus  suum  fideliter  exercent.  Nam  qui  nihil  habent  praeter  titulum,  imo  qui  pastorum  titulo  abutuntur  ad  perdendam  ecclesiam,  parum  reverentiae  merentur,  et  aliquanto  minus  fidei.  Et  hoc  etiam  diserte  exprimit  apostolus,  quum  dicit  eos  pro  animabus  vigilare:  quod  non  pertinet  nisi  ad  eos  qui  vere  praesunt,  ac  re  ipsa  sunt  quod  vocantur.  Bis  igitur  stulti  papistae,  qui  sui  idoli  tyrannidem  hinc  stabiliunt.  Iubet  spiritus,  piorum  ao  fidelium  episcoporum  doctrinam  obedienter  amplecti,  sanisque  consiliis  obtemperare.  Iubet  etiam  honore  illos  prosequi.  Quid  hoc  episcoporum  larvis  suffragatur?  Atqui  non  modo  tales  sunt  omnes  qui  sub  papatu  vocantur  episcopi,  sed  truculenti  animarum  carnifices,  atque  immanes  lupi.  Terum  ut  taceam  quales  sint,  hoc  tantum  in  prae*  sentia  dico,  dum  pastoribus  nostris  iubemur  subesse,  sedulo  ac  prudenter  esse  distinguendum  quinam  sint  veri  ac  fidi  praefecti:  quia  si  quibuslibet  hunc  honorem  promiscue  deferimus,  primum  iniuria  bonis  fiet,  deinde  non  valebit  ratio  quae  hic  additur,  ideo  honore  esse  dignos,  quia  pro  animabus  vigilant.  13