51:194  aliquanto  habet  difficultatis.  Nam  quum  habeat  psalmus,  Deum  accepisse  dona:  Paulus  e  converso  refert  dedisse:  atque  ita  contrarium  sensum  reddere  videtur.  Sed  in  hoc.  quoque  nihil  est  absurdi:  quia  non  solet  Paulus  recitare  verba  quoties  scripturam  citat:  sed  contentus  locum  indicasse,  rem  potius  ipsam  sequitur.  Certum  est  autem.  Deum  non  ipsi  sibi,  sed  populo  suo  dona  accepisse,  dd  quibus  meminit  David.  Unde  et  paulo  ante  dictum  erat  in  psalmo,  distributa  esse  spolia  inter  familias  Israel.  Ergo  quum  hic  accipiendi  fuerit  finis  ut  daret,  a  re  ipsa  minime  discessit  Paulus,  utcunque  verbum  mutaverit.  Quainquam  ego  in  diversam  sententiam  magis  inclino,  Paulum  data  opera  verbum  mutasse,  nec  adduxisse  tanquam  ex  psalmo  sumptum  :  sed  potius  ex  se  ipso  protulisse  quod  praesenti  instituto  aptum  erat.  Quum  ergo  de  Christi  exaltatione  pauca  verba  psalmi  citasset,  de  suo  adiecit,  eum  dedisse  dona,  ut  sit  minoris  et  maioris  comparatio:  qua  ostendere  vult  Paulus  quanto  praestantior  sit  ista  Dei  adscensio  in  Christi  persona  quam  fuerit  in  veteribus  ecclesiae  triumphis.  Quanto  scilicet  excellentius  est  victorem  liberaliter  omnia  omnibus  largiri  quam  a  victis  spolia  colligere.1)  Quod  alii  exponunt,  Christum  a  patre  accepisse  quae  nobis  distribueret,  coactum  est  et  prorsus  alienum  a  proposito.  Nulla,  meo  iudicio,  magis  germana  solutio  est  quam  illa  :  quod,  loco  psalmi  breviter  indicato,  Paulus  sibi  libere  permiserit  addere  quod  in  psalmo  non  habetur,  Christo  tamen  alioqui  convenit:  imo  in  quo  excellit  ac  praeferenda  est  Christi  adscensio  veteribus  illis  Dei  gloriis,  quas  David  recenset.2)  9.  Illud  autem  adscendit.  Rursum  hic  Paulum  exagitant  calumniatores,  quod  frivola  et  puerili  argutatione  ad  realem  Christi  adscensum  trahere  conetur  quod  de  illustratione  divinae  gloriae  figurate  dictum  est.  Quis  enim  ignorat,  inquiunt,  in  verbo  adscendit,  esse  metaphoram?  Nullum  ergo  pondus  habet  quod  infert,  oportuisse  prius  descendere.  Respondeo,  non  hic  contendere  more  dialectico  quid  necessario  ex  prophetae  verbis  sequatur,  vel  inferri  queat.  Noverat,  metaphorice  Davidem  de  exaltatione  Dei  loquutum.  Sed  quia  rursus  negari  non  potest  quin  Deum  ad  tempus  quodammodo  humiliatum  fuisse  innuat,  qui  eum  praedicat  fuisse  exaltatum:  merito  Paulus  prius  illud  ex  hoc  secundo  colligit.  Iam  vero  quis  unquam  inferior  Dei  fuit  descensus,  quam  dum  Christus  se  ipsum  exinanivit?  Ergo  si  unquam  se  magnifice  extulit  Deus,  postquam  visus  fuerat  inglorius  iacuisse:  id  praecipue  factum  est  quum  Christus  ex  infima  hac  nostra  conditione  in  coelestem  gloriam  receptus  est.  Deni-  *)  Haec  absunt  ab  editione  principe  non  vero  1551.  2)  Idem  valet  de  hoc  commate.  13