5:194  lamus  ergo  a  Christo  membra  sua,  si  volumus  ipsis  vitam  adimere.  Nostra  haec  confessio  est,  [fol.  16]  quam  suis  armis  satis  instruximus:  In  Adam  quidem  omnes  nos  esse  mortuos:  sed  in  Christo  vivere  (1  Cor.  15,  22).  Haec  splendide  et  magnifice  a  Paulo  tractantur:  nempe,  quod  si  Christi  spiritus  habitat  in  nobis,  corpus  quidem  mortuum  est  propter  peccatum,  at  spiritus  vita  est  propter  iustitiam  (Rom.  8,  10).  Corpus  scilicet  vocat  massam  peccati,  quae  ex  carnis  nativitate  in  homine  residet:  spiritum  vero,  partem  hominis  spiritualiter  regeneratam.  Quare,  quum  paulo  ante  (Rom.  7,  24),  ob  peccati  reliquias  in  se  haerentes,  miseriam  suam  deploraret,  non  simpliciter  optabat  tolli,  et  nihil  esse,  ut  ex  illa  miseria  evaderet:  sed  liberari  a  corpore  mortis,  hoc  est,  massam  peccati  in  se  interire:  ut  spiritus  purgatus,  et  quasi  defaecatus,  pacem  cum  Deo  haberet:  hoc  ipso  declarans,  meliorem  sui  partem  corporis  vinculis  captivam  teneri,  ac  per  mortem  liberatum  iri.  Utinam  recta  fide  percipere  possemus  quale  sit  regnum  Dei,  quod  est  intra  fideles,  etiam  dum  hanc  vitam  vivunt.  Nam  simul  facile  esset  intelligere,  inchoatam  vitam  aeternam.  Promisit  hoc  nobis  qui  fallere  non  potebt.  Qui  verba,  inquit,  mea  audit,  habet  vitam  aeternam,  et  in  condemnationem  non  venit:  sed  transivit  a  morte  in  vitam  (Ioann.  5,  24).  Si  transitus  factus  est  in  vitam  aeternam,  cur  eam  morte  interrumpunt?  Alibi:  Haec,  inquit,  est  voluntas  patris,  ut  omnis  qui  credit  in  filium,  non  pereat,  sed  habeat  vitam  aeternam:  et  ego  suscitabo  eum  in  novissimo  die  (Ioann.  6,  40),  Rursum:  Qui  edit  carnem  meam,  et  bibit  meum  sanguinem,  habet  vitam  aeternam,  et  ego  suscitabo  eum  in  novissimo  die  (Ioann.  6,  54).  Non  sicut  comederunt  patres  vestri  manna,  et  mortui  sunt.  Qui  ederit  panem  hunc,  vivet  in  aeternum.  Nolite  huc  vestra  commenta  ingerere,  de  die  novissimo.  Duo  nobis  pollicetur,  vitam  aeternam,  et  illam  resurrectionem.  Duo  quum  audiatis,  alterum  tantum  amplectimini.  Magis  etiam  vos  convincit  altera  Christi  vox.  Ego  sum,  inquit,  resurrectio  et  vita.  Qui  credit  in  me,  etiamsi  mortuus  fuerit,  vivet.  Et  omnis  qui  vivit  et  credit  in  me,  non  morietur  in  aeternum  (Ioann.  11,  25).  Nec  evadent  si  dixerint,  non  mori  eum  in  aeternum,  qui  suscitatur:  quoniam  non  id  tantum  voluit  Dominus,  sed  nunquam  accidere  posse,  uf  moriantur.  Quem  sensum  melius  exprimit  graeca  phrasis,  ubi  legitur,  dg  TOV  aiwva:  quod  Latinis  in  saeculum  significat.  Qua  loquendi  forma  significamus  nunquam  fore,  id  quod  in  saeculum  futurum  negamus.  Sic  alibi:  Qui  sermonem  meum  servaverit,  mortem  non  videbit  in  aeternum  (Ioann.  8,  51).  Hoc  invictum  stat  argumentum  contra  eos,  no*n  visurum  mortem  eum,  qui  sermonem  Domini  servaverit.  Quod  unum  satis  esse  possit  Christianis  ad  13