30:194  natio.  Idem  iis  omnibus  contingit  qui  negligenter  aut  temere  Deum  colunt,  et  maxime  conspicuum  est  in  Israelitis,  quos  Deus,  quoniam  legem  et  prophetas  reliquerunt,  et  nominis  divini  contemptui  occasionem  praebuerunt,  graviter  increpat:  Vos  inquit,  causa  estis  quod  nomen  meum  blasphematur  inter  incredulos,  quid  amplius  adversum  me  potestis?  Nae  iste  cumulus  est  impietatis,  quum  propter  vitia  et  peccata  vestra  profanis  occasio  datur  nomen  meum  blasphemandi.  Quamobrem  exemplum  istud  est  diligenter  notandum.  Nam  etsi  hodie  Goliath  non  vivit  in  terris,  multos  tamen  successores  et  illius  similes  aetas  nostra  progenuit,  plenos  arrogantia  et  ferocia,  qui  nullum  finem  faciunt  Deum  ipsum  et  verbum,  ipsius  veluti  cornubus  impetendi.  Discamus  itaque  vitam  nostram  tam  integre  et  sincere  instituere,  ut  improbis  os  claudatur,  et  confusione  operiantur,  ne  nobis  evangelii  profanatio  et  contumelia  merito  possit  imputari.  Sane  fateor  improbos  non  propterea  finem  facturos  adversus  Deum  blaterandi,  et  nomen  ipsius  discerpendi,  si  possint,  et  verbum  ipsius  blasphemis  vocibus  proscindendi,  licet  nullam  ipsis  occasionem  praebuerimus  :  sed  si  fiat,  erimus  extra  culpam,  et  tandem  etiam  Deus  in  illorum  capita  blasphemas  illas  voces  et  contumelias  derivabit,  et  in  graviorem  condemnationem  praecipites  dabit.  Danda  igitur  nobis  opera  et  in  hoc  summis  viribus  incumbendum,  ut  omnem  occasionem  captantibus  adimamus,  Pauli  apostoli  praeceptum  hac  in  re  sequentes,  et,  quandoquidem  evangelii  doctrinam  vitaeque  sanctimoniam  profitemur,  re  ipsa  nos  tales  quales  haberi  volumus  exhibeamus.  At  si  vero,  Dei  gratia,  sio  vixerimus  ut  nullam  istis  Dei  contemptoribus  blasphemandi  divini  nominis  occasionem  dederimus,  et  huius  criminis  rei  fieri  non  possimus,  dolendum  tamen  est  ex  animo  et  vehementibus  gemitibus  lugendum,  quum  impiorum  tam  effraenem  esse  contumaciam  audimus,  ut  Dei  nomen  veramque  religionem  contemnant,  et  blasphemis  vocibus  proscindant.  Hic  intueamur  boni  illius  Ezechiae  regis  exemplum,  qui,  quum  ad  suas  aures  pervenissent  Rabsaces  illius  insanae  voces,  quibus  Deum  vivum  irridebat,  dicens  illum  non  potentiorem  fore  adversus  dominum  suum  Sancheribum  diis  aliarum  gentium  :  licet  bonus  ille  rex  sciret  id  sua  culpa  non  contigisse,  et  conscientia  ipsi  Testaretur  apud  Deum  et  ipsius  angelos  virtuti  suae  potius  quam  vitio  tribui  quae  obiiciebantur,  tamen  scissis  vestibus  coram  Domino  testatus  est,  quanto  divinae  gloriae  zelo  arderet.  Illius  nos  zelum  et  fervorem  decet  imitari:  Deoque  sua  relinquere  iudicia,  qui  blasphemos  illos  suo  tempore  tandem  est  ulturus  et  gravissimis  poenis  puniturus.  Licet  vero  Deus  improbos  et  blasphemos  ulciscatur  suo  tempore,  et  in  ipsorum  capita  blasphemias  13