29:194  LE  HUITIESME  SERMON  SUR  LE  CHAP.  XXXIII.  V.  26.28.  DU  LUNDI  13E  DE  IUILLET  1556.  Nous  confesserons  assez  en  un  mot  la  grandeur  et  hautesse  de  Dieu:  mais  cependant  a  grand'  peine  en  trouvera-on  de  cent  l'un,  qui  attribue  k  Dieu  ce  qui  luy  appartient:  car  chacun  en  veut  avoir  sa  part,  comme  si  c'estoit  un  butin  ou  une  proye.  Qu'ainsi  soit,  qui  est-ce  qui  ne  presume  ou  de  sa  vertu,  ou  de  ses  richesses,  ou  de  son  esprit,  ou  de  son  credit  et  authorite?  Et  cependant  Dieu  sera  despouille  de  sa  gloire.  D'autre  coste,  si  nous  appercevons  quelque  danger,  qui  est-ce  qui  se  confie  et  repose  en  Dieu?  qui  est-ce  qui  a  son  coeur  a  luy?  Mais  nous  sommes  espouvantez  iusques  au  bout.  Et  quel  signe  est-ce,  sinon  qu'apres  avoir  declaire  de  bouche  que  Dieu  est  tout  puissant,  qu'il  gouverne  le  monde,  que  rien  ne  le  peut  empescher  d'accomplir  ce  qu'il  voudra,  nous  monstrons  par  effect  que  nous  ne  croyons  rien  de  tout  cela,  ou  que  nous  n'en  sommes  pas  bien  persuadez?  Et  ainsi,  ce  n'est  point  sans  cause  que  l'Escriture  nous  magnifie  Dieu,  monstrant  que  nous  ne  pouvons  assez  poiser  sa  hautesse  et  sa  puissance  infinie,  laquelle  est  en  luy,  pour  faire  tout  ce  qu'il  a  ordonne.  Et  c'est  ce  que  Moyse  a  regarde  en  ce  passage,  quand  il  dit  :  II  n'y  a  point  de  semblable  a  Dieu,  o  droit.  Ce  mot  se  prend  pour  Israel,  ou  pour  l'Eglise,  comme  nous  l'avons  veu  par  ci  devant.  Or  de  prime  face  on  penseroit  que  ce  fust  une  doctrine  superflue  :  sur  tout  quand  elle  s'adresse  a  ceux  qui  des  leur  enfance  ont  este  enseignez  en  la  Loy,  ausquels  a  este  preschee  la  doctrine:  qu'on  leur  dise  qu'il  n'y  a  point  de  semblable  a  Dieu,  et  qui  est-ce  qui  le  nie?  Or  comme  i'ay  desia  dit,  il  ne  couste  gueres  de  dire  le  mot:  mais  cependant  nous  sommes  si  preoccupez  de  nos  mensonges  et  des  tenebres  de  nostre  incredulite,  que  nous  ne  pouvons  pas  glorifier  Dieu,  tellement  que  nous  puissions  nous  arrester  a  luy  pour  l'invoquer,  et  nous  tenir  tous  persuadez  et  resolus,  moyennant  qu'il  ait  pitie  de  nous,  que  tout  ira  bien.  Notons  donc  qu'ici  Moyse  ne  parle  point  aux  incredules,  a  ceux  qui  n'ont  iamais  cogneu  que  c'estoit  de  la  maieste  de  Dieu:  mais  a  ceux  qui  ont  ouy  la  Loy,  a  ceux  qui  devoyent  avoir  les  aureilles  battues  de  la  doctrine.  Et  pourquoy  fait-il  cela?  I'ay  desia  dit  que  nous  sommes  si  enclins  a  desfiance,  qu'une  petite  tentation  nous  aura  bien  tost  abbattus.  Or  nous  devons  estre  appuyez  sur  la  promesse  qui  nous  est  donnee,  que  Dieu  nous  guidera,  qu'il  nous  garentira,  tellement  que  nous  serons  invincibles.  Or  nous-nous  verrons  espouvantez  a  chacune  minute  de  temps,  et  nous  avons  besoin  que  Dien  13