27:194  en  puissions  manger,  et  tout  le  reste.  Que  nous  sachions  que  cela  n'est  point  par  cas  fortuit,  que  les  viandes  croissent  au  monde:  mais  que  c'est  Dieu  qui  les  a  destinees,  afin  que  nous  soyons  nourris  par  sa  bonte.  Or  i'ay  dit  que  ceste  doctrine  est  bien  necessaire:  car  que  sera-ce,  que  nous  ne  puissions  manger  un  morceau  de  pain  sans  offenser  Dieu?  Et  sainct  Paul  le  prononce  ainsi.  Et  pourquoy?  Car  si  ie  ne  cognoy  qu'en  tout  et  par  tout,  quant  au  boire  et  au  manger,  ie  tien  de  Dieu  le  bien  qu'il  m'ordonne,  c'est  comme  si  ie  le  desroboye:  ie  vien  piller  la  comme  un  chien  ou  un  chat  qui  prendra  ce  qui  ne  luy  est  point  ordonne.  Voila  donc  desia  une  offense.  Et  puis  Dieu  est  enseveli,  quand  on  ne  cognoist  pas  que  c'est  luy  qui  donne  le  pain  pour  la  nourriture  :  si  nous  n'avons  cela  bien  persuade,  Dieu  est  frustre  de  l'honneur  qui  luy  appartient,  que  nous  ne  le  cognoissons  plus  nostre  pere  nourricier,  nous  sommes  tellement  abrutis,  qu'il  ne  nous  souvient  plus  de  la  vie  qui  nous  est  apprestee  au  royaume  des  cieux.  Or  quand  il  a  un  soin  paternel  de  nous  en  ce  monde,  c'est  afin  que  cela  nous  conduise  plus  haut.  Et  ainsi  nous  voyons  bien  que  sans  ceste  certitude  que  Dieu  nous  permet  de  boire  et  de  manger  selon  sa  benediction,  que  nous  sommes  comme  bestes  brutes,  et  pires  encores.  Et  d'autrepart,  qui  est-ce  qui  nous  a  donne  ce  privilege  de  gourmander  les  biens  de  Dieu?  nous  qui  sommes  miserables  creatures,  qui  ne  cessons  de  l'offenser,  si  nous  ne  savons  que  c'est  par  sa  bonte  gratuite,  et  que  cela  ne  nous  appartient  pas,  sinon  que  Dieu  se  veut  monstrer  liberal  envers  nous  ?  il  est  certain  que  nous  ravissons  tout  sans  aucun  tiltre.  Aiosi  en  toutes  sortes  nous  sommes  coulpables  par  nostre  boire,  et  par  nostre  manger,  iusques  a  tant  que  nous  ayons  cogneu  que  c'est  Dieu  qui  nous  donne  le  tout.  Or  par  cela  nous  sommes  aussi  admonnestez  quant  au  boire  et  au  manger,  qu'il  ne  nous  faut  point  observer  les  traditions  des  hommes:  mais  qu'il  nous  doit  suffire  d'avoir  tesmoignage  de  la  bonne  volonte  de  Dieu.  Et  voila  aussi  ou  l'Escriture  nous  ramene,  quand  elle  condamne  ces  badinages  que  les  hommes  se  forgent,  pour  dire  :  II  n'est  point  licite  de  manger  chair  en  un  tel  iour,  il  faudra  ceci,  il  faudra  cela.  En  quelle  authorite  est-ce  que  les  nommes  ont  commande  et  deffend  u  telle  chose?  Car  le  Pape,  et  tous  les  siens  ne  sauroyent  pas  creer  une  mouche  :  et  nous  deffendront-ils  de  manger  du  boeuf  qui  a  este  cree  a  nostre  usage,  ou  du  mouton,  ou  quelque  autre  chose?  Comment  ontils  usurpe  ceste  authorite-la,  sinon  qu'ils  ont  despouille  Dieu  de  la  maistrise  qu'il  a  sur  nous?  Ainsi  donc  regardons  a  la  volonte  de  nostre  Dieu  :  et  quand  nous  cognoissons  que  sans  exception  il  nous  a  donne  les  viandes,  qu'un  chacun  en  use  en  sobriete,  et  qu'il  nous  suffise  d'estre  gouvernez  par  sa  parolle:  car  c'est  a  13