20:194  4047.  WISSENBURGItJS  BULLINGERO.  De  Ochini  dialogis  Basileae  impressis  a  magistratu  inquiritur  sed  hactenus  frustra.  Beza  contra  Castalionem  scripsit  ita  ut  ipsi  urbi  et  scholae  non  parcat  *)  (Excerptum  ex  autographo  Cod.  Tunc  Archiv.  Plut.  YI,  vol.  117a,  olim  Scrin.  C.  Epp.  Tom.  1,  fol.  541.  .  Simler  Vol.  108.)  Amplissimo  viro  D.  M.  Heinrico  Bullingero  theologo  summo  Tigurinae  ecclesiae  pastori  vigiiantissimo  domino  ac  fratri  suo  semper  venerando.  Tiguri.  De  Ochini  dialogis  idem  nobis  evenit  quod  et  vestris  civibus.  Continue  enim  et  variae  et  multae  ab  Argentina  veniunt  literae  quibus  a  piis  pie  monemur,  ab  aliis  autem  acerbe  incusamur,  quod  ex  sua  urbe  magna  multorum  offensione  magistratus  noster  tales  libros  in  lucem  prodire  sinat,  et  qui  propediem  (ut  omnino  praesumitur)  publica  senatus  Argentinensis  sententia  tanquam  haeretici  et  omnis  honestatis  et  religionis  piae  corruptores  Vulcano  tradendi  sint.  Quarum  quidem  nonnullae  ad  senatum  nostrum  pervenere  nuper,  quibus  commotus  idem  nobis  quod  vobis  vester  iniunxit:  nimirum  ut  inspectis  Dialogis  totum  negotium  quomodo  actum,  et  an  per  nostros  censores  admissi  sint  diligentius  disquireremus.  Ergo  quod  iussu  sumus  exsequentes  Dialogorum  interpretem  Castalionem  invenimus,  qui  id  se  fecisse  Vernae  typographi  impulsu  non  negat.  Censuram  qui  fecerit  nondum  invenimus.  Terna  Basilio  Amerbachio,  qui  tum  rectoris  vices  egerat,  ex  lege  librum  censendum  se  tradidisse  ait.  Amerbachius  Coelio,  quum  italico  sermone  scriptus  erat,  se  misisse  respondet.  Coelius  quidem  inspexisse  librum  fatetur,  sed  nihil  censuisse,  nec  alicui  divulgandi  copiam  fecisse.  Tanto  igitur  labyrintho  res  implicata  est,  ut  in  quem  tandem  haec  cudetur  saba  prorsus  ignorem.  Huic  aliud  quoque  accessit  malum:  scriptum  scilicet  mordax  satis  quod  Beza  in  Castalionem  edidit,  haereticum,  Pelagianum  et  scripturae  sacrae  depravatorem  pestilentissimum  proclamans,  nostram  vero  scholam  et  ecclesiam,  simulque  totius  urbis  proceres,  etsi  lenius  paulo,  satis  tamen  duriter  incusat  quod  tantam  pestem  in  sua  ecclesia  et  urbe  ferant.  Quae  quum  Castalioni  sint  obiecta,  quibus  satisfactionibus  aut  qua  spongia  hanc  sit  detersurus  labem,  in  dies  exspectamus.  Vereor  autem  ego  ne  novi  incendii  non  parva  sit  4047.1)  Cf.  praecedente��.  13