1:194  [CO  1.  194]  atque  semetipsum,  imo  quomodo  se  unum  fecerit  cum  sponsa  sua,  ecclesia,  refert  ad  eum,  quae  Moses  narrat  Adam  de  se  dixisse.  Cum  enim  adducta  esset  in  eius  conspectum  Eva,  quam  e  sua  costa  formatam [p. 397]  sciebat:  haec,  inquit,  est  os  ex  ossibus  meis  et  caro  de  carne  mea  (Gen.  2).  Totum  id  spiritualiter  impletum  in  Christo  et  in  nobis,  testatur  Paulus,  cum  membra  nos  esse  ait  corporis  eius,  de  carne  eius  et  de  ossibus  eius,  adeoque  unam  cum  ipso  carnem.  Tandem  epiphonema  subnectit:  magnum  hoc  mysterium.  Et  ne  quis  amphibologia  falleretur,  exprimit  se  non  de  carnali  viri  et  mulieris  coniunctione  loqui,  sed  de  spirituali  Christi  et  ecclesiae  coniugio.  Et  sane  vere  magnum  mysterium  est,  quod  sibi  Christus  costam  detrahi  passus  est,  unde  formaremur;  hoc  est,  cum  fortis  esset,  debilis  esse  voluit,  ut  illius  fortitudine  roboraremur,  ut  iam  non  modo  vivamus  ipsi,  sed  ille  vivat  in  nobis.  Imposuit  illis  sacramenti  nomen.  Verum  aequumne  erat  ut  eorum  inscitiae  poenas  tota  ecclesia  penderet?  Mysterium  dixerat  Paulus;  quam  dictionem  cum  relinquere  posset  interpres,  latinis  auribus  non  infrequentem,  vel  arcanum  vertere,  sacramentum  ponere  maluit,  non  tamen  alio  sensu,  quam  quo  graece  a  Paulo  mysterium  dictum  erat.  Eant  nunc  et  linguarum  peritiam  clamose  insectentur,  quarum  ignorantia  in  re  facili  et  cuivis  obvia  tamdiu  foedissime  hallucinati  sunt.  Sed  cur  in  uno  hoc  loco  sacramenti  voculam  tantopere  urgent,  aliquoties  neglectam  praetereunt?  Nam  et [p. 398]  epistola  ad  Ti-  [OS  222]  motheum  priore  (1  Tim.  3),  a  vulgari  interprete  posita  est;  ac  in  eadem  ipsa  ad  Ephesios  epistola  (Eph.  5),  ubique  pro  mysterio.  Condonetur  tamen  illis  hic  lapsus,  saltem  mendaces  oportuerat  esse  memores.  Matrimonium  vero  sacramenti  titulo  commendatum,  immunditiem  postea  et  pollutionem  et  carnales  sordes  vocare,  quam  vertiginosa  est  levitas?  Quam  absurdum  est  arcere  a  sacramento  sacerdotes?  Si  a  sacramento  se  arcere  negent,  sed  a  coitus  libidine,  non  ita  mihi  elabuntur.  Nam  et  coitum  ipsum  partem  esse  sacramenti  tradunt,  eoque  demum  figurari  unionem,  quae  nobis  est  cum  Christo,  in  naturae  conformitate,  quia  vir  et  mulier  non  nisi  carnali  copula  caro  una  fiant.  1)  Quanquam  duo  sacramenta  quidam  eorum  hic  repererunt:  alterum  Dei  et  animae  in  sponso  et  sponsa,  alterum  Christi  et  ecclesiae,  in  marito  et  uxore.  Utcunque  coitus  tamen  sacramentum  est,  a  quo  ullum  Christianum  arceri  nefas  fuit;  nisi  forte  Christianorum  sacramenta  adeo  male  conveniunt,  stare  ut  simul  non  possint.  Est  et  altera  in  eorum  1)  Lib.  4.  sentent.  dist.  27.  c.  4  etc.  cum  societas.  27.  quaest.  2.  glossa  c.  lex  divinae,  ibid.  13