9:193  193  AD  WESTPHALUM.  194  ad  rem  inter  nos  satis  testatam:  nisi  forte  se  solos  dialecticae  custodes  esse  existimant,  ut  nemo  praeter  eos  distinguere  noverit  inter  finem  et  materiam.  Vicesimo  secundo  capite  rursus  exaggerant:  [pag.  154]  quia  coena  Christi  testamentum  est,  fas  non  esse  eam  violari,  vel  alieno  sensu  corrumpi.  Utra  pars  testamentum  hoc  reverentius  observet,  iudicium  esto  penes  aequos  arbitros.  Impiis  et  bacrilegis  sine  fide,  sine  spiritu,  Christi  corpus  prostituunt  Magdeburgenses.  Quasi  vero  filius  Dei  testamento  profanos  gratiae  suae  contemptores  instituerit  corporis  ac  sanguinis  sui  dominos.  Quum  vero  contineat  doctrina  nostra:  quisquis  fide  amplectitur  coenae  promissionem,  vere  fieri  participem  corporis  et  sanguinis  Christi,  quia  nos  minime  frustrari  voluit,  palam  asserens  esse  corpus  suum:  quaenam  hic  deprehendetur  violatio?  Certe  dum  nos  externis  signis  ac  terrenis  pignoribus  contenti  certo  credimus  corpus  Christi  panem  nobis  esse  vivificum,  vereque  praestari  quidquid  oculis  signum  repraesentat,  testamentum  Christi  minime  rescindimus.  Sed  quod  nobis  falso  exprobrant,  merito  in  eorum  caput  retorqueo:  [pag.  155]  exstingui  et  aboleri  sacramentum,  nisi  externis  symbolis  figuretur  spiritualis  veritas.  Vicesimo  tertio  capite  vetustos  et  orthodoxos  patres  in  suffragium  advocant.  Quasi  vero  promptum  non  sit  uno  verbo  diluere  quoscunque  obtendunt  fucos.  Nec  vero  aliud  Philippo  propositum  fuit,  quam  spiritualem,  de  qua  nobiscum  prorsus  consentit,  communicationem  probare.  Quid  sua  farragine  profecerit  Westphalus,  lectoribus  relinquo  aestimandum.  Vicesimo  quarto  capite  excusant  modum  praesentiae  non  alium  credere  quam  Christus  instituit.  Quod  si  verum  esset,  nulla  esset  pugnandi  ratio.  Sed  ubi  addunt  ubique  adesse  Christi  corpus,  antequam  obtineant  quod  volunt,  probandum  erit  somnium  ipsorum  coeleste  esse  Christi  oraculum.  Quam  intempestive  praetexant  Christi  potentiam,  mihi  satis  in  mea  contra  Westphalum  defensione  monstrasse  videor.  Christum  esse  fateor,  qui  nobis  revelat  res  incognitas.  Cur  [pag.  156]  ergo  eius  revelationibus  tenebras  ipsi  obducunt?  De  Christo  fatemur  patrem  e  coelo  praecipere,  ut  eum  omnes  audiant.  Cur  ergo  tumultuose  obstrependo  nulla  verborum  eius  interpretatio  admittitur?  Christo  fatemur  nihil  esse  impossibile.  Cur  ergo  non  credunt  ipsi  quamvis  in  coelo  sit,  posse  tamen  admirabili  spiritus  sui  virtute  carnem  suam  et  sanguinem  dare  nobis  in  spirituale  alimentum?  Haec  certe  vere  divina  est  ac  incomprehensibilis  potentia,  quantumvib  longe  a  nobis  remotus  sit,  vitam  ex  carnis  suae  et  sanguinis  substantia  in  animas  nostras  spirare,  ut  nulla  locorum  distantia  sacram  hanc  capitis  et  membrorum  unitatem  impediat.  Unde  perspicue  appa-  Calmni  opera.  Vol.  7X