6:193  LA  MANIERE  DE  CELEBRER  LA  CENE.  ')  II  fault  noter,  que  le  Dimanche  devant^  que  la  Cene  soit  celebree,  on  le  denonce  au  peuple:  premiere-  1)  Dans  sedition  de  1545  cette  partie  du  Formulaire  commence  par  l'instruction  suivante:  L'Eucharistie  est  la  communication  du  corps  et  du  sang  du  Seigneur  Iesus  Christ,  ainsi  que  S.  Paul  tesmoigne:  laquelle  se  doit  prendre  a  celle  fin  que  nous  demourions  et  vivions  plus  amplement  en  Christ:  et  qu'il  vive,  et  demeure  plus  amplement  en  nous.  Pource  il  conviendra  a  faire  toutes  choses  en  la  celebration  de  ceste  saincte  Cene,  afin  que  de  plus  en  plus  nous  desirions  de  vivre  et  demourer  en  Christ  (c'est  a  dire  de  manger  la  chair  et  boire  le  sang  du  Seigneur)  :  et  que  recevions  ceste  viande  et  bruvage  avecques  plus  grand  fruict  et  religion.  Il  faudra  donques  instituer  et  moderer  ceste  action  en  ceste  maniere,  afin  que  le  peuple  soit  deuement  instruit  et  admonneste  combien  il  luy  est  necessaire  de  communiquer  souventesfois  au  corps  et  au  sang  du  Seigneur:  et  combien  grans  sont  les  biens  que  nous  recevons  de  ceste  communication  et  manducation.  De  cecy  il  s'ensuyt  premierement,  que  la  Cene  se  doit  seullement  bailler  a  ceux  lesquelz  sont  capables  et  desirent  grandement  le  corps  et  le  sang  du  Seigneur,  et  qui  desia  vivent  en  luy,  et  l'ont  vivant  en  eux:  et  aussi  qui  desirent  que  ceste  vie  de  Christ  soit  augmentee  et  faite  plus  grande  en  eux  (pour  autant  que  la  communication  du  corps  et  du  sang  de  Christ  se  donne  en  ceste  sacree  Cene  afin  que  nous  vivions  entierement  en  luy:  et  qu'il  vive  en  nous).  Pource  il  est  necessaire  aux  bons  et  fideles  dispensateurs  des  misteres  de  Dieu  de  congnoistre  (autant  qu'il  est  requis  a  la  charite  Chrestienne  et  a  la  religion  de  ceste  saincte  administration)  ceux  ausquelz  ils  veulent  bailler  la  Cene  du  Seigneur  estre  desia  incorporez  par  le  Baptesme  en  Iesus  Christ:  et  qu'ilz  sont  ses  vrays  et  vifz  membres:  et  qu'ilz  ont  sain  de  ceste  viande  de  vie  eternelle  et  soif  de  ce  sainct  bruvage.  Les  autres  pour  ce  qu'ilz  ne  peuvent  communiquer  au  Sacrement  sinon  qu'a  leur  condemnation,  il  les  faut  chasser  de  la  Sacree  Cene  (ainsi  comme  L'ancienne  Eglise  commandoit)  par  le  dyacre,  que  ceux  qui  n'estoient  pas  encore  pleinement  instruictz  en  la  religion  Chrestienne,  et  les  meschans  menans  vie  scandaleuse,  et  ceux  qui  faisoyent  penitence  et  n'estoient  pas  encores  receuz  en  grace,  eussent  a  sortir  de  L'eglise.  Pour  ceste  raison  nostre  Seigneur  aussi  a  donne  la  premiere  Cene  seullement  aux  esleuz  Disciples.  Car  il  ne  faut  donner  la  chose  Saincte  aux  chiens,  ne  bailler  la  viande  de  vie  eternelle  a  ceux  qui  n'en  ont  point  sain.  Pourtant  la  Cene  du  Seigneur  ne  doit  point  estre  administree  sinon  a  ceux  qui  sx)nt  congneux  et  esprouvez  (comme  desia  est  dit)  par  la  reigle  de  charite  et  religion:  laquelle  on  doit  avoir  en  ceste  saincte  administration:  Calvini  opera.  Vol  VI.