56:193  193  LEVITIQUE.  194  25.  Et  feray  venir  sur  vous  le  glaive  vengeur  pour  Ja  vengence  de  mon  alliance:  et  quand  vous  serez  assemblez  en  vos  villes,  ie  vous  envoyeray  la  pestilence  au  milieu  de  vous,  et  serez  livrez  en  la  main  de  l'ennemi.  26.  Quand  ie  vous  auray  rompu  le  baston  du  pain,1)  dix  femmes  cuiront  vostre  pain  en  un  four,  et  vous  rendront  vostre  pain  en  poids:  mais  quand  vous  en  mangerez,  vous  n'en  serez  point  soulez.  27.  Que  si  pour  cela  vous  ne  m'obeissez,  mais  cheminez  avec  moy  a  l'aventure:  28.  Ie  chemineray  avec  vous  en  fureur  a  l'aventure,  et  vous  corrigeray  aussi  sept  fois  plus  selon  vos  pechez.  29.  Vous  mangerez  la  chair  de  vos  fils  et  de  vos  filles.  30.  Item,  ie  destruiray  vos  hauts  lieux,  et  extermineray  vos  images,  et  mettray  vos  charongnes  sur  les  charongnes  de  vos  idoles.2)  31.  Ie  mettray  aussi  vos  citez  en  desolation,  et  destruiray  vos  sanctuaires,  et  ne  flaireray  point  vostre  odeur  paisible.  32.  Et  si  gasteray  vostre  terre,  tellement  que  vos  ennemis  qui  habiteront  en  icelle  s'en  estonneront.  33.  Item,  ie  vous  espardray  parmi  les  gens,  et  desguaineray  mon  glaive  apres  vous,  et  vostre  terre  sera  desolee,  et  vos  villes  en  desert.  34.  Adonc  la  terre  prendra  plaisir3)  a  ses  Repos  tout  le  temps  qu'elle  sera  desolee  et  que  vous  serez  en  la  terre  de  vos  ennemis:  lors  donc  la  terre  se  reposera  et  prendra  plaisir  a.  ses  repos.  35.  Tous  ies  iours  qu'elle  sera  desolee,  elle  se  reposera:  d'autant  qu'elle  ne  chomoit  point  en  vos  Repos  quand  vous  y  habitiez.  36.  Et  a  ceux  qui  resteront  d'entre  vous,  i'induiray  une  laschete  en  leur  coeur,  quand  ils  seront  en  la  terre  de  leurs  ennemis,  et  ie  son  d'une  fueille  esmeue4)  les  poursuyvra,  et  fuiront  comme  pour  le  glaive,  et  tomberont  sans  que  nul  les  poursuyve.  37.  Et  s'entreheurteront  l'un  contre  l'autre  comme  devant  le  glaive,  sans  que  nul  les  poursuyve:  et  n'aurez  point  de  resistance  contre  vos  ennemis.  38.  Et  perirez  entre  les  gens,  et  la  terreur  de  vos  ennemis  vous  consumera.  39.  Et  ceux  qui  resteront  d'entre  vous,  languiront5)  en  la  terre  de  leurs  ennemis,  pour  leur  iniquite,  et  aussi  pour  les  iniquitez  de  leurs  peres,  ils  languiront  avec  eux:  40.  Puis  ils  confesseront  leurs  iniquitez,  et  les  iniquitez  de  leurs  peres,  selon  la  prevarication  qu'ils  ont  commise  contre  moy:  et  mesme  qu'ils  ont  chemine  avec  moy  a  l'aventure:  41.  Dont  aussi  i'auray  chemine  envers  eux  a  l'aventure,  et  les  auray  menez  en  la  terre  de  leurs  ennemis  :  ou  leur  coeur  incirconcis  s'humiliera,  et  adonc  supplieront  pour  leur  iniquite.  42.  Lors  ie  seray  recors  de  mon  alliance  avec  Iacob,  et  aussi  de  mon  alliance  *)  oste  la  monition  O.  2)  Le  reste  manque.  3)  En  marge:  ou,  accomplira.  4)  qui  est  poulsee  O.  .)  seront  esperduz  O.  Calvini  opera.  Vol.  LVI.