50:193  193  CAPUT  IL  194  et  alii.  Quod  quum  ita  sit,  minime  dubitandum  est,  serium  fuisse  Paulo  certamen.  De  doctrina  optime  consentiebant:  sed  quia  non  habito  doctrinae  respectu  nimis  serviliter  Iudaeis  obsequebatur  Petrus,  ideo  claudicationis  arguitur.  Sunt  qui  alio  praetextu  Petrum  excusent:  quia  magis  sollicitus  esse  debuerit  de  salute  Iudaeorum,  circumcisionis  scilicet  apostolus:  et  tamen  simul  concedant,  Paulum  quoque  recte  fecisse  suscipiendo  causam  gentium.  Sed  stultum  est  defendere  quod  spiritus  sanctus  per  os  Pauli  damnavit.  Neque  vero  hic  agebatur  hominum  negotium:  sed  venerat  in  discrimen  evangelii  puritas,  ne  iudaico  fermento  inquinaretur.  Coram  omnibus.  Hoc  exemplo  admonemur,  palam  castigandos  esse,  qui  publico  malo  peccarunt:  quatenus  interest  ecclesiae.  Finis  enim  est,  ne,  si  impunitum  relinquatur  eiusmodi  delictum,  exemplo  noceat.  Atque  id  Paulus  nominatim  servandum  in  presbyteris  alibi  {1  Tim.  5,  20)  docet,  quatenus  scilicet  ob  personam,  quam  sustinent,  exemplo  suo  gravius  nocent.  Praesertim  vero  utile  fuit  bonam  causam,  quae  ad  omnes  spectabat,  ingenue  coram  populo  defendi,  quo  melius  testatum  faceret  Paulus,  se  lucem  minime  refugere.  Si  tu,  quum  sis  Iudaeus.  Oratio  Pauli  ad  Petrum  duobus  constat  membris.  Priore  expostulat  quod  iniquus  sit  erga  gentes,  quia  eas  ad  servandam  legem  adigat,  a  qua  solutus  ipse  esse  velit.  Nam  praeterquam  quod  servare  quisque  legem  debet,  quam  aliis  praescribit:  in  hoc  etiamnum  gravius  peccabat,  quod  gentes  ad  Iudaismum  cogeret,  ipse  Iudaeus  libertatem  sibi  permitteret.  Iudaeis  enim,  non  gentibus  data  lex  est.  Utitur  itaque  argumento  a  minori  ad  maius.  Porro  haec  erat  satis  dura  et  violenta  coactio,  quod  gentibus  communionem  renuntiabat,  nisi  vellent  iugum  legis  recipere:  quae  erat  iniusta  conditio.  Ac  tota  quidem  vis  reprehensionis  consistit  in  hoc  verbo:  quod  a  Chrysostomo  et  Hieronymo  non  fuit  animadversum.  Liber  enim  erat  caeremoniarum  usus  in  aedificationem:  modo  non  spoliarentur  fideles  sua  libertate,  nec  illis  necessitas  imponeretur,  a  qua  eos  eximit  evangelium.  15.  Nos  natura  Iudaei,  Scio  quibusdam  videri  anthypophoram:  quasi  anticipet  Paulus  in  persona  adversae  partis  quod  obiicere  poterat:  nempe  plus  privilegii  (ut  vulgo  loquuntur)  habere  Iudaeos.  Non  quod  a  lege  immunitatem  iactarent.  Fuisset  enim  plus  quam  absurdum,  ipsos  id  iactare  quibus  lex  erat  lata  :  sed  quia  deberent  certis  insignibus  distingui  a  gentibus.  Id  ergo  neque  reiicio  in  totum,  neque  tamen  prorsus,  ut  mox  patebit,  recipio.  Alii  hoc  quidem  in  persona  Pauli  dictum  accipiunt,  sed  hoc  sensu:  Si  Iudaeis  onus  legis  imponeres,  magis  esset  rationi  consentaneum:  est  enim  illis  haereditaria.  Y  erum  neque  haec  expositio  convenit.  Est  Calvini  opera.  Vol,  L,