5:193  PSYCHOPANNYCHIA.  bus  diebus  et  tribus  noctibus  (Ion.  2,  2;  Matth.  12,  40).  Atqui  Ionas  de  ventre  piscis  clamavit  ad  Dominum,  et  exauditus  est.  Venter  ille  mors  est.  Animam  igitur  salvam  in  morte  habuit:  secundum  quam  clamaret  ad  Dominum.  Isaac  quoque,  qui  figuram  Christi  gessit,  et  a  morte  patri  redditus  est,  quodam,  ut  ait  apostolus,  resurrectionis  typo,  nobis  veritatem  in  figura  aperit  (Gen.  22,  10;  Hebr.  11,  19);  quum  enim  impositus  esset  altari  parata  victima  et  alligatus  esset,  postea  iussu  Domini  solutus  est.  Sed  aries,  qui  inter  vepres  haeserat,  in  vicem  Isaac  suppositus  est.  Quid  est  autem  quod  Isaac  non  moritur,  nisi  quia  quod  proprium  est  hominis,  immortale  Christus  praestitit,  hoc  est,  animam?  Aries  vero,  animal  irrationale,  qui  in  eius  locum  ad  mortem  substituitur,  corpus  est.  Quod  autem  alligatur  Isaac,  animam  repraesentat,  quae  in  morte  Christi  speciem  morientis  dedit:  et  dat  etiam  quotidie  in  vulgari  morte  hominum;  ubi  omnia,  humana  opinione,  creduntur  exstincta:  quum  tamen  ex  vinculis  soluta  sit  Christi  anima,  et  nostrae  quoque  solvantur,  antequam  pereant.  Perfricet  frontem  nunc  quispiam  ex  vobis,  et  iactet  mortem  Christi  somnium  x)  fuisse:  vel  omnino  in  castra  Apollinaris  transfugiat.  Ille  quidem  vigilavit,  dum  incumberet  in  salutem  vestram:  vos  autem  dormitis  somnum  vestrum,  et  tenebris  caecitatis  obruti  vigilias  non  exauditis.  Praeterea  non  hoc  tantum  nos  consolatur,  quod  Christus,  caput  nostrum,  in  medio  umbrae  mortis  non  periit:  Led  ad  hanc  securitatem  accedit  eius  resurrectio,  qua  mortis  Dominum  se  constituit,  ac  nos  supra  mortem  extulit,  quicunque  partem  in  ipso  habemus.  Ut  non  dubitaverit  Paulus  dicere,  vitam  nostram  absconditam  esse  cum  Christo  in  Deo  (Col.  3,  3).  Et  alibi:  Vivo  ego,  iam  non  ego,  sed  vivit  in  me  Christus  (G-al.  2,  20).  Quid  superest,  nisi  ut  aperto  ore  Christum  in  animis  dormientibus  dormire  et  desidere  clament?  Si  enim  Christus  est  qui  in  illis  vixit,  idem  est  qui  in  illis  moritur.  Si  vita  Christi  nostra  est,  qui  vitam  nostram  finire  vult  morte,  detrahat  Christum  e  dextra  patris,  et  in  secundam  mortem  deturbet.  Si  mori  ille  potest,  certa  mors  nos  sequitur:  si  nullum  habet  vitae  finem,  neque  animae  nostrae,  quae  illi  insitae  sunt,  finiri  ulla  morte  possunt.  Et  quid  adhuc  laboramus?  An  vero  sunt  obscura  eius  verba:  Quia  ego  vivo,  et  vos  vivetis  (Ioann.  14,  19).  Si  vivimus,  quia  vivit:  ergo  si  morimur,  ipse  iam  non  vivet.  An  obscurum  est  quod  promisit,  eum  in  se  mansurum,  et  se  in  eo,  qui  per  fidem  sibi  iunctus  fuerit  (Ioann.  6,  56)?  Avel-  1)  Sic  1542  et  1545,  quas  sequitur  Gallus  (un  songe).  Gallasius  bene  emendavit  somnum,  quem  sequuti  sunt  reliqui.  lacile  ex  hoc  loco  effeceris  versionem  non  ab  ipso  Calvino  factam  esse.  Calvini  opera.  Vol.  V.