30:193  193  IN  I.  LIB.  SAMUEL.  CAP.  XVII.  194  non  oportuerat:  quare  nunc  Deus  ostendit  quid  illis  tanta  illa  audacia  profuerit,  quae  non  modo  repente  effluxit,  sed  etiam  metus  ingens  illos  occupavit,  ut  neque  vires,  neque  consilium  quo  se  tuerentur  haberent,  sed  tanquam  semimortui  ad  suorum  hostium  conspectum  obstupuerint,  et  animum  illis  resistendi,  licet  viribus  satis  instructi,  non  habuerint.  Sed  malum  longe  gravius  istis  omnibus  accessit,  turpis  ilia  gigantis  gloriatio,  de  populo  subiugando  cum  Dei  ipsius  contumelia  coniuncta.  Nae  si  in  solum  populum  dedecus  recidisset,  parum  id  fuisset:  sed  quum  impius  ille  gigas  in  ipsum  Deum  viventem  insurgat,  quasi  populum,  quem  in  suam  clientelam  receperat,  tutari  non  posset,  nec  e  suis  manibus  eripere,  quis  vere  pius  et  religiosus  homo  non  magnopere  animo  commoveretur?  Verum  enimvero  maximam  populi  partem  adeo  stupidam  videmus  ut  istis  non  afficiatur:  quos  contra  graviter  commoveri  oportebat.  Sic  pios  et  religiosos  viros  conspicimus,  etsi  dedecore  et  ignominia  appetantur,  non  tamen  propriis  iniuriis  tantopere  affici  et  commoveri,  quam  quum  Dei  contemptum  animadvertunt:  sic  audimus  conquerentem  in  Psalmo  prophetam,  et  vehementer  se  excruciantem,  quum  improborum  voces  illas  audiret:  Ubi  est  nunc  ille  Deus  vester,  quur  non  vos  servat  nunc?  Atque  huc  impietatis  devenerat  profanus  ille  Goliath,  qui  non  tantum  res  creatas  aggreditur  et  contumeliis  afficit,  sed  in  ipsum  Deum  viventem  qui  adorabatur  in  Israele  est  iniurius  et  contumeliosus.  Ac  sane  certum  est  Deum  aliquando  permittere  suum  nomen  blasphemari  propter  eos  qui  profitentur  se  ipsius  populum  et  haereditatem.  Et  impii,  ut  impelluntur  a  diabolo,  quaerunt  in  nobis  occasionem  fremendi  adversus  Deum,  et  adversus  eum  insurgendi,  et  sacrosanctum  ipsius  nomen  contumeliis  proscindendi.  Atque  proh  dolor!  nimium  frequentia  sunt  hoc  saeculo  istorum  exempla.  Nam  quoniam  evangelii  reformationem  profitemur,  nonne  quotquot  evangelio  resistunt,  et  suam  idolomaniam  et  superstitiones  pertinaciter  tuentur,  semper  sunt  in  excubiis,  et  nostras  actiones  explorant,  si  forte  occasio  illis  adversus  Deum  blasphemandi  detur,  et  adversus  salutis  doctrinam  virus  suum  effundendi?  Ac  licet  occasionem  non  habeant  calumniandi,  nullum  tamen  latrandi  canum  instar  finem  faciunt,  si  mordere  non  possunt.  Verum  si  nos  adeo  vesanos  esse  contigerit,  ut  professioni  non  respondeamus,  et  vita  nostra  professionem  arguat  mendacii,  si  nempe  nos  Dei  filios,  si  fideles  et  evangelii  doctrinam  sequi  profiteamur,  et  interim  iniquitas  nostra  palam  conspiciatur,  et  Curios  simulantes  bacchanalia  vivamus,  sane  nostra  culpa  Dei  nomen  sacrosanctum  impiorum  blasphemis  vocibus  exponimus.  Istud  autem  Deus  permittit,  ut  crimen  nostrum  tanto  gravius  fiat,  et  ideo  nostra  etiam  maior  condem-  Calvmi  opera.  Vol.  XXX.