29:193  193  SUR  LE  DEUTER.  CHAP.  XXXIII.  194  point  nommez,  que  nous  n'aurons  point  une  chose  tant  liquidee  comme  nous  voudrions  bien:  mais  nostre  Seigneur  nous  fera  quasi  leicher  sa  grace,  comme  a  des  povres  gens  affamez:  nous  aurons  des  promesses  obscures,  nous  les  trouverons  maigres  :  mais  quoy  qu'il  en  soit  sachons  que  nous  ne  devons  point  perdre  courage.  Quand  donc  nostre  Seigneur  ne  nous  fera  point  si  ample  declaration  de  sa  bonte  comme  nous  desirerions,  il  faut  revenir  a  l'examen  de  nos  fautes,  que  nous  l'avons  possible  irrite  en  telle  sorte,  que  nous  ne  sommes  pas  dignes  que  du  premier  coup  il  revienne  a  nous:  mais  il  sera  comme  un  pere,  qui  monstrera  quelque  signe  de  despit  a  l'encontre  de  son  enfant,  combien  qu'il  dise  :  Et  bien,  ie  luy  pardonne  :  si  est-ee  qu'il  n'attirera  point  son  enfant  pour  le  mignarder  en  la  maison,  il  ne  luy  dira  point  mesmes:  Ie  te  recoy.  Il  dira:  Et  bien,  ie  ne  le  renonce  pas  du  tout,  ie  le  recognoy  encores  de  ma  maison  :  mais  cependant  l'enfant  languira,  il  verra  la  face  du  pere  qui  luy  sera  toute  estrange,  et  demeurera  la  tousiours  en  doute  et  en  suspend:  ainsi  en  a-il  este  de  Simeon  quant  a  Dieu:  nostre  Seigneur  ne  luy  a  point  donne  une  declaration  manifeste,  qu'il  le  vouloit  recevoir:  mais  cependant  si  est-ce  qu'il  ne  l'a  pas  reiette:  encores  qu'il  ne  luy  ait  point  donne  tel  tesmoignage  qu'il  estoit  requis,  pour  monstrer  qu'il  le  vouloit  prendre  a  merci,  si  est-ce  que  comme  nous  avons  veu  par  ci  devant,  qu'en  la  benediction  qui  appartenoit  aux  deux,  et  qui  leur  estoit  comme  commune,  d'autant  qu'elle  avoit  este  prononcee  en  commun  par  la  bouche  du  Patriarche  Iacob,  qu'en  cela  il  a  peu  cognoistre  que  Dieu  ne  le  bannissoit  point  du  tout  de  sa  maison*  Quoy  qu'il  en  soit,  nous  voyons  que  pour  nous  esiouyr  en  Dieu,  et  pour  recevoir  tellement  ses  graces  que  nous  ayons  tousiours  la  bouche  ouverte  pour  le  glorifier,  et  que  nous  soyons  aussi  disposez  en  cela  en  toute  nostre  vie,  qu'il  nous  faut  comme  en  un  miroir  contempler  ici,  que  puis  que  Dieu  nous  est  pere,  et  que  nous  sommes  participans  de  l'adoption  qu'il  a  faite  en  nostre  Seigneur  Iesus  Christ,  qu'il  nous  a  retirez  de  la  perdition  et  du  gouffre  auquel  nous  estions  plongez,  qu'il  nous  recoit  et  nous  choisit  pour  estre  de  son  troupeau:  que  cela  nous  doit  suffire,  et  que  nous  l'invoquions  en  portant  patiemment  les  afflictions  qu'il  nous  envoye:  et  que  nous  apprenions  aussi  de  luy  rendre  graces,  de  ce  qu'il  nous  maintient  en  ceste  vie  mortelle:  et  que  nous  ne  soyons  pas  si  stupides,  de  gourmander  les  biens  qu'il  nous  fait,  que  tousiours  nous  ne  sachions  qu'il  nous  donne  quelque  goust  de  sa  bonte  et  de  l'amour  paternelle  qu'il  a  envers  nous.  Que  nous  sachions  donc  appliquer  tout  cela  a  nostre  profit,  pour  estre  confermez  de  plus  en  plus  en  la  foy  de  l'heritage  immortel,  auquel  nous  sommes  conviez.  Calvini  opera.  Vol  XXIX.