27:193  193  SUR  LE  DEUTER.  CHAP.  XII.  194  si  est-ce  que  nous  ne  devons  point  estre  retenus  ici  bas  par  les  signes  et  aides  que  Dieu  nous  donne:  plustost  il  nous  faut  estre  menez  la  haut,  n'estans  point  enveloppez  de  superstitions,  pour  adorer  Dieu  d'une  facon  charnelle:  il  faut  que  nous  cognoissions  qu'il  remplit  tout,  voire  habitant  en  sa  gloire  celeste,  et  que  nous  le  cerchions  la  par  foy:  et  quand  nous  pensons  a  luy,  que  nous  ne  Tattirions  point  ici  bas  pour  Favoir  avec  nous  d'une  facon  charnelle,  mais  que  par  foy  nous  montions  la  haut  au  ciel  ou  il  habite:  comme  l'Escriture  en  parle.  Voila  donc  ce  que  nous  avons  a  retenir  de  ce  passage,  outre  ce  qui  en  a  desia  este  expose:  car  ie  ne  fay  que  refreschir  la  memoire  des  choses  qui  ont  este  deduites  plus  a  plein.  Or  il  y  a  puis  apres  un  conge  que  Dieu  donne  a  son  peuple,  de  manger  de  la  chair  par  tout  le  pays  de  Canaan,  mais  que  ce  ne  soyent  point  sacrifices,  ou  dismes,  ou  holocaustes,  ou  oblation  qu'on  eslevoit,  ou  les  premices.  Que  donc  toutes  chairs  communes  se  mangent  par  tout,  il  vous  sera  licite  :  mais  de  ce  qui  m'a  este  sacrifie,  qu'on  ne  le  mange  qu'au  lieu  que  i'auray  choisi  pour  y  mettre  mon  sanctuaire.  Mais  encores  il  adiouste  ici  un  mot:  Selon  la  benediction  que  ton  Dieu  saura  donnee.  Ici  nous  voyons  en  premier  lieu  qu'il  ne  nous  seroit  point  licite  de  manger  un  morceau  de  pain,  sinon  que  nous  fussions  admonnestez  qu'il  nous  est  donne  de  Dieu,  et  que  c'est  par  sa  licence  que  nous  le  mangeons.  Et  voila  pourquoy  sainct  Paul  requiert  la  foy,  quand  il  parle  du  boire  et  du  manger:  et  dit  que  tout  ce  qui  se  fait  sans  foy  est  peche.  Et  dequoy  traitte-il  la?  De  manger  ou  de  la  chair,  ou  des  herbages,  du  pain,  du  poisson,  toute  pitance.  Or  il  dit  qu'il  faut  que  cela  se  face  en  foy.  Et  comment?  On  diroit  que  la  foy  est  une  chose  beaucoup  plus  precieuse  que  de  la  mesler  parmi  les  viandes  qui  sont  corruptibles.  Voire,  mais  en  toute  nostre  vie  il  faut  que  nous  ayons  certitude  que  nous  n'attentons  rien  qui  ne  plaise  a  Dieu,  et  qui  ne  nous  soit  licite,  d'autant  qu'il  nous  en  donne  le  conge.  S.  Paul  donc  en  ce  passage-la  par  ce  mot  de  Foy  entend  le  tesmoignage  que  nous  avons  quant  au  boire,  et  au  manger,  que  Dieu  se  monstre  pere  envers  nous,  et  qu'il  nous  donne  la  nourriture  qui  est  requise  pour  nos  corps  :  et  que  ce  n'est  point  comme  en  desrobant,  ni  par  pillages  que  nous  usurpons  les  biens  que  la  terre  produit:  mais  c'est  autant  comme  si  nous  les  recevions  de  luy.  Quand  un  pere  donne  a  chacun  de  ses  enfans  sa  portion:  Tenez,  mangez:  ce  n'est  pas  plus  que  Dieu  fait  iournellement  envers  nous,  quand  nous  sommes  certifiez  par  sa  parolle  qu'il  a  donne  ceste  vertu  a  la  terre,  de  produire  du  ble  et  du  vin  pour  nostre  usage:  que  les  bestes  nous  sont  donnees,  afin  que  nous  Calvini  opera.  Vol  XXVII.