20:193  193  1563  NOVEMB.  194  scientiam,  meque  putat  non  sibi  privatim  sed  illis  qui  me  publicatis  libris  accusarint  publicatis  libris  respondere,  et  Bezam,  quum  hac  transiret,  hac  do  re  interpellare  debuisse,  scitote,  mei  clementissimi  Domini,  quominus  id  fecerim  hactenus  per  me  non  stetisse.  Nam  et  tunc  D.  Coxium  et  porro  cum  eo  D.  Rectorem  Simonem  Sulcerum  ea  de  re  conveni,  et  Bezam  una  cum  illis,  nisi  iam  properans  decessisset  conventurus  fui.  Et  nunc  paratus  sum  ad  omnia  quae  illi  in  suis  scriptis  imposuerunt  crimina  publico  scripto  respondere,  atque  adeo  a  vobis,  mei  clementissimi  Domini,  ut  hoc  permittatis,  postquam  sic  accusor,  obnixe  peto.  Aut  si  hoc  non  impetro,  at  illud  saltem  peto  ut  mihi,  si  respondere  non  permittitur,  tacere  ne  sit  fraudi.  Quod  si  illi  sunt  sibi  bene  conscii,  compareant  ipsi,  Beza  et  Calvinus,  et  omnia  quae  contra  me  crimina  literis  mandarunt  coram  vobis  meis  iudicibus  probent,  et  ego  vobis  (ut  intelligatis  quantum  meae  causae  bonitati  confidam),  si  illa  probaverint,  meum  caput  ad  iustum  supplicium  ultro  offero.  Non  debebunt  autem,  nisi  sibi  male  conscii  sunt,  Basiliense  tribunal  reformidare,  qui  illa  toto  mundo  publicare  non  reformidarunt:  sin  minus  probaverint  (ut  certe  nunquam  probabunt),  aequum  erit  ut  pro  calumniatoribus  habeantur.  Spero  vos,  mei  clementissimi  Domini,  Dei  in  hoc  negotio  vicarios,  in  hac  causa,  sicut  hactenus  et  in  caeterorum  et  in  mea  ipsius  causa  fecistis,  adhibituros  esse  eam  prudentiam,  afflante  vos  spiritu  veritatis,  ut  nihil  nisi  re  probe  perspecta  pronuncietis.  Magni  sunt  et  potentes  accusatores  mei:  sed  et  potentes  Deus,  qui  personarum  rationem  non  habet,  de  solio  deiicit.  Ego  vero  sum  humilis  homuncio,  sed  et  humiles  respicit  Deus,  et  eorum  sanguinem,  si  iniuste  funditur,  ulciscitur.  Labi  facile  est,  et  vulnus  uno  momento  facile  infligit  unus  vir  malus,  quod  deinde  centum  boni  medici  multis  annis  sanare  non  possunt.  O  Deus,  qui  et  meam  et  adversariorum  meorum  corda  nosti,  surge  et  iudica  causam  meam.  Quod  ad  accusationis  partem  secundam  attinet,  videlicet  quod  Bernardini  Ochini  dialogos  transtulerim,  non  puto  id  mihi  'fraudi  esse  debere.  Transtuli  enim,  sicut  et  alia  eiusdem  opera  transtuleram,  non  ut  iudex,  sed  ut  translatos  et  ex  eiusmodi  opera  ad  alendam  familiam  quaestum  facere  solitus.  Et  typographus  dixit  se  librum  obtulisse  Rectori,  eumque  secundum  Basiliensia  instituta  fuisse  censura  approbatum.  Sebastianus  Castellio  huius  defensionis  autor  mea  manu  subscripsi  anno  1563  die  24  Novembris.3)  3)  Germanice  eadem  Apologia  oblata  est  senatui  d.  d.  4.  Dec.  Ipse  supremum  diem  obiit  d.  29.  Dec.  Calvini  opera.  Vol  XX.