10.1:193  DE  CULTU  IMAGINUM.  REFUTATION  DES  ARGUMENTS  PROPOSES  EN  FAVEUR  DU  CULTE  DES  IMAGES,  *)  Madame  puys  quil  vous  plaist  me  donner  audience  ie  deduiray  sommairement  les  arguments  mis  en  avant  par  noz  contredisans.  Il  fut  dict  que  la  decision  de  ceste  difficulte  deppendoyt  de  lexposition  du  second  commandement:  ce  qui  est  veritable  car  cest  aussy  le  seul  et  unique  fundement  de  nostre  dispute.  Il  fault  donc  regarder  si  nostre  exposition  est  conforme  a  la  verite  [ou  bien  sil  fault  entendre  que  nous  puissions  approuver  les  Images].2)  Nous  fusmes  admonestez  de  ne  prandre  les  commandemens  negatifz  a  la  lettre  parce  que  dict  S.  Paul:  La  lettre  tue  et  lesprit  vivifye.  Ie  respon  que  cela  est  allegue  par  trop  mal  a  propos.  Car  la  lettre  signifye  la  Loy  toute  entiere  au  passage  de  lapostre  et  la  praticque  de  ce  commandement  entre  les  Iuifs  monstre  quil  le  fault  prandre  simplement  a  la  lettre  et  ainsy  qu'il  est  escrit.  Ce  nest  sans  cause  que  Dieu  a  faict  si  bref  recueil  de  ses  commandemens,  afin  que  le  peuple  les  apprenne,  et  nest  pas  croyable  que  Dieu  voulust  enveloper  la  verite  qui  aussy  se  trouve  assez  claire  en  ses  commandemens.  On  a  allegue  contre  nous  ce  commandement  Tu  ne  tueras  point  [pour  monstrer  que  les  commandemens  ne  se  doibvent  entendre  sans  exception  veu  quil  est  permis  au  magistrat  de  tuer  et  mesmes  aux  particuliers  comme  a  Phinees],3)  Ie  respondz  que  quand  il  fault  bailler  quelque  exception  au  commandement,  cest  au  legislateur  qui  la  faict,  mais  aux  hommes  nest  pas  licite.  On  pouvoit  alleguer  sur  ce  labuz  des  mani-  1)  Manuscr.  de  Gotha  404,  fol  48  suiv.  ancienne  copie  avec  cette  suscription:  Tour  envoyer  a  M.  de  Beze.  En  tete  du  texte  on  lit:  Du  6.  fevrier.  Il  parait  que  c'est  la  reponse  a  une  serie  de  questions  ou  d'objections.  (1562?)  .  2)  Les  mots  mis  entre  crochets  sont  effaces.  3)  Addition  marginale.  Calvini  opera.  Vol  X.