7:192  Dieu:  d'autant,  comme  il  dict,  que  nul  ne  peut  dire  un  seul  mot  en  la  louange  de  Iesus  Christ,  sinon  en  parlant  [page  104]  par  le  sainct  esprit  duquel  tout  bien  procede  (1  Cor.  12,  3).  Or  quant  au  bien  nous  le  laissons1)  voluntiers  a  Dieu.2)  Mais  ou  monstreront  ilz  que  Dieu  desrobe  en  un  larron?  qu'il  meurtrisse  les  innocens  en  un  brigand?  Parquoy,  la  couverture  qu'ilz  prennent  n'est  pas  pour  purger  le  blaspheme,  mais  plustost  pour  le  redoubler.  CHAPITRE  XV.  De  la  seconde  consequence  qui  s'ensuit  de  dire:  Que  Dieu  faict  tout:  c'est  assavoir,  que  nul  ne  devra  plus  faire  conscience  de  rien.  Nous  avons  dict  cy  dessus,  qu'en  attribuant  ainsi  tout  a  Dieu,  comme  font  les  Libertins,  et  disant  que  l'homme  ne  faict  rien,  il  ne  sera  plus  question  de  faire  conscience  de  rien.  Car  cela  ne  seroit  point  se  garder  de  pecher:  mais  plustost  reciuler  l'oeuvre  de  Dieu.  Ie  ne  dis  pas  seulement  que  cela  se  puisse  desduire  de  leur  premier  propos:  a  fin  que  nous  ne  soyons  pas  en  peine  de  disputer  si  tel  est  le  sens  ou  non:  mais  ie  dis  ce  qu'eux  mesmes  confessent  [page  105],  Et  mesme  c'est  le  principal  but  auquel  ilz  pretendent,  que  d'endormir  les  consciences,  a  fin  que  sans  soucy  chacun  face  ce  qui  luy  viendra  en  avant,  et  ce  que  son  cueur  appetera.  Comme  si  Dieu  avoit  donne  sa  loy  en  vain,  pour  discerner  entre  le  bien  et  le  mal.  Ie  leur  demande  si  en  la  loy  nous  n'avons  pas  declaration  de  la  volunte  de  Dieu.  Or  la  il  prononce  que  paillardise,  larcin,  meurtre,  et  par  consequent  avarice,  haine,  envie,  ambition,  et  choses  semblables,  luy  desplaisent.  De  dire  maintenant  que  ce  luy  sont  choses  plaisantes,  n'est-ce  pas  le  dementir?  Moyse  proteste  que  la  loy  nous  est  donnee  a  fin  que  nous  apprenions  de  servir  a  Dieu,  d'adherer  a  luy,  d'obeir  a  sa  volunte,  de  ne  point  provoquer  son  ire  en  l'offensant  (Deut.  4,  10).  Ces  malheureux  nous  incitent  a  reiecter  toutes  telles  considerations.  Et  a  fin  que  nous  n'y  voyons  goutte,  ilz  nous  mettent  ce  bendeau  devant  les  yeux,  que  tout  se  faict  par  la  volunte  de  Dieu,  et  pourtant  qu'il  n'y  a  rien  qui  luy  deplaise.  Comme  si  Dieu  estoit  variable,  [page  106]  pour  se  contredire:  ou  qu'il  fust  simulateur  en  disant  qu'il  hait  et  a  en  detestation  ce  qu'il  veut  et  desire.  Pour  ces  choses,  dict  sainct  Paul,  vient  l'ire  de  Dieu  sur  les  infide-  1)  id  totum.  2)  La  traduction  insere  ici  la  phrase:  Malum  vero  qui  ostendent  a  Deo  nasci?