6:192  vons  point  faict  difficulte  de  les  abolir,  afin  qu'il  n'y  eust  plus  nul  empeschement  qui  destournast  le  peuple  d'aller  droictement  a  Iesus  Christ.  Premierement,  ce  qui  ne  nous  est  point  commande  de  Dieu,  est  en  nostre  liberte.  D'avantage  tout  ce  qui  ne  sert  de  rien  a  edification  ne  doit  estre  receu  en  l'Eglise:  et  s'il  avoit  este  introduict,  il  doit  estre  oste.  Par  plus  forte  raison,  ce  qui  ne  sert  que  a  scandaliser,  et  est  comme  instrument  d'idolatrie  et  de  faulses  opinions,  ne  doit  estre  nullement  tolere.  Or  il  est  certain,  que  le  cresme,  luminaire,  et  telles  aultres  pompes  ne  sont  point  de  l'ordonnance  de  Dieu:  mais  ont  este  adioustees  par  les  hommes:  et  en  la  fin  sont  venues  iusque  la,  qu'on  s'y  est  plus  arreste  et  les  a  on  eu  en  plus  grand'estime,  que  la  propre  institution  de  Iesus  Christ.  Pour  le  moins,  nous  avons  telle  forme  de  Baptesme  que  Iesus  Christ  a  ordonnee,  que  les  Apostres  ont  gardee  et  suyvie,  que  l'Eglise  primitive1)  a  eu  en  usage,  et  ne  nous  peult  on  reprendre  d'autre  chose,  sinon  que  nous  ne  voulons  pas  estre  plus  sages  que  Dieu  mesme.  1)  primitive,  manque  1559  suiv.