55:192  Per  ministros  vero  tabernaculi,  intelligit  omnes  caeremoniarum  cultores.  Ergo  ut  Christo  communicemus,  tabernaculo  renuntiandum  esse  significat.  Nam  sicuti  altaris  nomen  immolationem  et  hostiam  comprehendit:  sio  tabernaculum  externas  omnes  figuras  quae  cum  illo  coniunctae  erant.  Proinde  sensus  est,  Nihil  mirum  si  hodie  cessant  legis  ritus:  nam  illud  figuratum  fuit  in  sacrificio  quod  extra  castra  efferebant  Levitae,  ut  illic  cremarent.  Nempe  quia  sicuti  nihil  inde  gustabant  tabernaculi  ministri:  ita  si  tabernaculo  servimus,  id  est,  retinemus  eius  caeremonias,  non  erimus  participes  eius  sacrificii  quod  semel  Christus  obtulit,  nec  eius  expiationis  quam  semel  perfecit  suo  sanguine.  Sanguinem  enim  suum,  ut  mundi  peccata  expiaret,  in  coeleste  sanctuarium  intulit.  13.  Proinde  exeamus  ad  eum.  Ne  frigeat  superior  allegoria,  vel  anagogica  similitudo,  coniungit  serium  exercitium,  quod  a  Christianis  omnibus  requiritur.  Et  hunc  similiter  docendi  ordinem  tenere  Paulus  solet,  ut  fidelibus  ostendat  quibus  in  rebus  Deus  exerceri  eos  velit,  dum  a  frivolis  caeremoniis  eos  abducere  studet.  Perinde  ac  si  diceret:  Hoc  est  quod  a  vobis  exigit  Deus:  non  illud  in  quo  frustra  vos  fatigatis.  Ita  nunc  agit  apostolus.  Nos  enim  dum  relicto  tabernaculo  ad  sequendum  Christum  invitat,  longe  aliud  a  nobis  postulari  monet,  quam  ut  in  umbra  Deum  colamus  sub  magnifico  templi  splendore:  quia  per  exilia,  fugae,  probra,  et  omne  genus  aerumnas  pergendum  sit.  Hanc  militiam,  in  qua  usque  ad  sanguinem  sudandum  est,  ambrosie  meditationibus  opponit,  quas  solas  iactabant  caeremoniarum  magistri.  14.  Non  enim  habemus.  Longius  extendit  exitum  cuius  meminerat:  nempe  ut  in  hoc  mundo  peregrini  ac  vagi,  nobis  nusquam  esse  fixam  stationem,  nisi  in  coelo,  cogitemus.  Itaque  quoties  vel  pellimur  ex  aliquo  loco,  vel  aliqua  nobis  mutatio  accidit,  meditemur  quod  hic  apostolus  docet,  non  esse  nobis  certam  in  terra  sedem,  quia  coelum  sit  nobis  haereditas:  magisque  ao  magis  exercitati  ad  ultimum  semper  exitum  nos  comparemus.  Nam  quibus  nimis  quieta  est  vita,  nidum  sibi  fere  in  hoc  mundo  fingunt.  Quare  nobis  qui  ad  talem  segnitiem  propensi  sumus,  saepe  huc  illuc  agitari  prodest,  ut  in  coelum  convertere  oculos  discamus,  qui  nimium  alioqui  deorsum  inclinant.  15.  Offeramus  hostiam  laudis.  Redit  ad  specialem  illam  doctrinam,  quam  attigerat,  de  abrogatis  caeremoniis  veteribus.  Praevenit  autem  quod  contra  obiici  poterat.  Nam  quum  sacrificia  tabernaculo  subsint,  quasi  appendices:  illo  abolito,  sequitur  haec  quoque  desinere.  Atqui  apostolus  docuerat,  quum  extra  portam  passus  sit  Christus,  nos  quoque  illuc  vocari,  atque  ideo  ipsum  sequi  volentibus,  deserendum  esse  tabernaculum.  Hic  oriebatur  quaestio,  nunquid