5:192  Deum,  qui  dedisset  talem  potestatem  hominibus.x)  Hoc  profecto  vidit  Cyrillus,  qui  nobiscum  in  huius  loci  explicatione  consentit.  Quum  autem  dicimus  Christum,  quatenus  homo  est,  habere  vitam  in  semetipso,  non  ipsum  sibi  causam  esse  vitae  dicimus:  sed  hoc  tantum,  omnem  vitae  plenitudinem  a  Deo  patre  effusam  esse  in  Christum  hominem.  Quod  familiari  similitudine  planum  fieri  potest.  Fons,  ex  quo  omnes  hauriunt,  ex  quo  rivuli  defluunt  et  derivantur,  aquam  in  semetipso  habere  dicitur:  nec  tamen  ex  semetipso,  sed  ex  scaturigine,  quae  illi  assidue  subministrat  quod  et  rivis  labentibus,  et  haurientibus  hominibus  sufficere  possit.  Ergo  Christus  habet  vitam  in  semetipso,  hoc  est,  vitae  plenitudinem,  qua  et  ipse  vivat,  et  suos  vivificet:  non  tamen  habet  ex  semetipso,  quemadmodum  ipse  alibi  testatur,  quod  vivit  propter  patrem  (Ioann.  6,  57).  Et  quum  in  se,  ut  Deus,  vitam  haberet,  ubi  hominem  assumpsit,  donum  accepit  hoc  a  patre,  ut  vitam  ea  etiam  parte  haberet  in  semetipso.  Haec  nobis  certissimam  fidem  faciunt,  Christum  exstingui  morte  non  potuisse,  etiam  secundum  hominem,  et  quanquam  vere  ac  naturaliter  in  mortem  traditus  est,  quam  omnes  subimus,  donum  tamen  illud  patris  semper  retinuisse.  Vera  mors  fuit,  corporis  et  animae  solutio.  Caeterum,  anima  vitam  suam  nunquam  perdidit,  qiuie  patri  commendata  non  poterat  non  salva  esse.  Id  volunt  verba  ex  concione  Petri,  quibus  affirmat  impossibile  fuisse  teneri  ipsum  a  morte,  ut  scriptura  impleretur:  Quoniam  non  derelinques  animam  meam  in  inferno,  nec  dabis  sanctum  tuum  videre  corruptionem  (Act.  2,  27).  In  qua  prophetia,  ut  concedamus  animam  vitam  esse,  duo  petit  et  exspectat  a  patre  Christus:  ne  aut  vitam  suam  in  perditionem  deserat,  aut  se  in  corruptionem  venire  sinat:  quod  impletum  est.  Nam  anima  eius  divina  virtute  suffulta  est,  ne  in  perditionem  rueret:  et  corpus  eius  in  sepulcro  servatum  est  ad  resurrectionem.  Haec  omnia  uno  verbo  complexus  est  Petrus,  quum  dixit,  non  potuisse  teneri  a  morte  Christum,  κρατεῖσθαι,  hoc  est,  mortis  imperio  succumbere,  et  in  mortis  potestatem  venire,  aut  a  morte  comprehendi.  Quod  autem  Petrus  in  illa  concione,  omissa  disputatione  de  anima,  corporis  duntaxat  incorruptionem  prosequitur:  id  facit,  ut  suo  ipsorum  testimonio  Iudaeos  convincat,  hanc  prophetiam  non  pertinere  ad  Davidem,  cuius  sepulcrum  apud  eos  exstabat,  cuius  cadaver  noverant  in  putredinem  collapsum,  quum  Domini  nostri  resurrectionem  [fol.  15]  abnegare  non  possent.  Praebuit  et  nobis  aliud  argumentum  immortalitatis  animae  suae,  quum  Ionam  triduo  immersum  in  ventre  ceti  mortis  suae  typum  constituit:  sic  enim  se  futurum  in  ventre  terrae,  tri-  1)  lunxtsse  videtur  Matth,  9,  8  et  Luc.  7,  16.