30:192  his  verbis  :  Quare  venistis  parati  ad  praelium  ?  numquid  ego  non  sum  Philistaeus7  et  vos  servi  Saul?  Eligite  ex  vobis  virum,  et  descendat  ad  singulare  certamen  :  si  quiverit  pugnare  mecum,  et  percusserit  me,  erimus  vobis  servi:  si  autem  ego  praevalueroj  et  percussero  eum,  vos  servi  eritis,  et  servietis  nobis.  Sane  vehementer  illos  oportuit  istis  exprobrationibus  commoveri,  et  tantam  hominis  iactantiam  gravius  et  iniquius  ferre  quam  ipsum  mortis  periculum  :  quum  praesertim  nullus  in  toto  Israelitarum  exercitu  sese  ad  certamen  adversus  gigantem  illum  iactabundum  offerret.  Et  sane  quis  non  illius  aspectum  horreret,  quem  ex  circumstantiis  singulis,  quae  hic  describuntur,  horrendum  fuisse  apparet?  Nam  quis  non  ad  tam  enormis  staturae  adspectum  et  tales  minas  totus  cohorrescat?  adde  universam  eius  armaturam,  galeam  aeream,  loricam  squamatam,  cuius  pondus  erat  quinque  millia  siclorum  aeris,  clypeum,  ocreas  aereas,  et  reliqua  quae  fidem  omnem  superare  videntur.  Denique  Goliath  videtur  esse  instar  rupis  cuiusdam,  ad  quam  accedentes  in  ipsius  potestatem  venturi  fuerint,  ac  proinde  vehementer  singulos  terruisse,  ut  coram  ipso  non  ausi  sint  subsistere.  Magnam  sane  vim  habuerunt  ista  ad  Israelitarum  animos  deiiciendos  et  in  montium  latebris  occultandos,  donec  inexspectatum  Deus  auxilium  Davidem  mitteret.  Dignum  exemplum  quod  semper  ante  oculos  ponamus,  ut  Deo  nos  castigare  volente  meminerimus  comminationum  ipsius,  fore  nimirum  nt  antequam  hostes  nos  invaserint  metuamus,  et  antequam  ictum  dederint  victos  nos  fateamur.  Sic  enim  Moses  de  Dei  vindicta  in  rebellem  populum  loquens  ait:  Quomodo  persequatur  unus  mille,  et  duo  fugarent  decem  millia?  nonne  ideo  quia  Deus  suus  vendidit  eos,  et  Dominus  conclusit  Ulos?  Ex  quibus  discimus  ita  in  Dei  timore  ambulandum,  ut  cum  Paulo  apostolo  merito  dicere  possimus  :  Si  Deus  pro  nobis,  quis  contra  nos  ?  Imo  vel  ipsos  diabolos  subiici  nobis  oportet.  Sed  si  ab  ipsius  cultu  recesserimus,  in  eo  talem  contumaciam  ostendemus,  ut  ipsi  bellum  inferre  velle  videamur,  et  adversarium  ipsum  habere.  Ecquis  vero  mortalium  ipsius  fortitudini  et  potentiae  resistat?  Nae,  vel  ipsis  muscis  vel  insectis  adversum  nos  vires  suppeditabit,  a  quibus,  etsi  viri  fortes  videamur,  facillime  debellemur.  Quod  si  adversus  homines  pugnandum  erit,  etsi  pauci  sint,  Deus  tamen  permittet  ut  cum  summo  dedecore  in  ipsorum  potestatem  veniamus:  denique  incognitis  nobis  rationibus  sic  castigabit,  ut  nulla  nos  humana  praesidia  iuvent,  non  reges,  non  principes,  licet  in  bellis  exercitati,  non  propugnacula,  nulla  denique  vis  humana  possit  adversus  Dei  furorem  auxilium  ferre.  Quapropter  ex  istis  retineamus,  metum  illum  ingentem  Israelitarum  fuisse  iustam  a  Deo  ipsis  inflictam  punitionem.  Namque  fuerant  audaciores  quando  et  ubi