29:192  biens  que  nous  recevons  de  luy.  Or  en  la  fin  il  est  dit  :  Que  Nephthali  possedera  midi  et  V  occident,  c'est  a  dire,  la  mer.  Car  le  mot  l'emporte.  En  quoy  Moyse  derechef  prophetise  de  la  condition  qui  devoit  estre  de  ceste  lignee-la:  et  regardons  tousiours  que  c'est  Dieu  qui  a  prononce  ces  choses,  pour  monstrer  quel  soin  il  avoit  de  ce  peuple-la.  Or  ce  peuple  a  este  comme  un  miroir  de  l'Eglise,  c'a  este  l'Eglise  ancienne,  nous  sommes  succedez  en  leur  lieu:  sachons  donc  que  Dieu  aura  tousiours  un  soin  paternel  de  nous:  et  combien  que  par  sa  providence  il  gouverne  toutes  les  nations  du  monde  en  general,  si  est-ce  qu'il  nous  est  plus  prochain,  et  que  nous  le  sentirons,  et  que  nous  serons  sous  sa  conduite,  et  qu'il  nous  maintiendra  en  sorte  que  nous  cognoistrons  qu'il  ne  nous  adviendra  rien  que  par  sa  volonte,  que  mesmes  un  cheveu  de  nostre  teste  ne  tombera  point  qu'il  ne  l'ait  ordonne.  Il  conclud  en  la  fin  d'Aser.  Il  est  vray  que  Iacob  en  sa  benediction  dit  qu'Aser  aura  un  pays  fertile  en  bled.  Ici  il  est  dit,  qyion  le  benira  a  cause  de  ses  enfans,  et  qu'il  sera  aggreable  a  ses  freres.  Nous  voyons  donc  comme  Dieu  a  distribue  a  chacun  selon  son  vouloir,  et  cependant  qu'il  n'a  point  este  licite  a,  nulle  des  lignees  de  murmurer  a  l'encontre:  mais  qu'il  a  fallu  que  tous  eussent  contentement,  qu'un  chacun  receust  ce  qui  luy  estoit  donne:  et  puis  qu'ils  eussent  tous  cela:  Nous  avons  un  Dieu  et  un  pere:  encores  qu'il  nous  traitte  en  diverses  sortes  quant  a  nos  corps,  il  veut  que  nous  demeurions  conioints  ensemble,  nous  ayant  appelle  a  un  mesme  heritage.  Voila  en  somme  ce  que  nous  avons  a  retenir.  Or  il  n'est  point  ici  fait  mentiou  de  la  lignee  de  Simeon.  On  allegue  qu'ils  ont  este  idolatres:  mais  qu'a-ce  este  aussi  bien  des  autres?  Nous  savons  que  tout  Israel  s'est  aliene  de  Dieu,  tous  ont  este  apostats,  tout  le  pais  a  este  infecte  d'abomination  :  et  en  la  fin  la  lignee  de  Iuda  a  este  corrompue.  Il  falloit  donc  que  tout  fust  enseveli.  Les  autres  disent  que  Simeon  estoit  compagnon  de  Levi:  et  pour  ce  qu'auparavant  Moyse  a  repare  ce  qui  avoit  este  dit  contre  Levi  et  Simeon,  qu'il  suffit,  et  que  Dieu  ne  luy  a  point  donne  de  benediction  propre,  a  cause  de  cest  acte  si  cruel  qu'ils  avoyent  commis  ensemble:  mais  que  c'estoit  assez  qu'il  fust  console  en  la  personne  de  Levi.  Or  nous  n'avons  meilleure  coniecture  ne  plus  probable  que  celle-la,  c'est  assavoir,  combien  que  Simeon  fust  lors  tenu  du  corps  du  peuple,  que  Dieu  ne  luy  a  point  donne  de  benediction  a  part:  mais  qu'il  le  laisse  languir:  et  toutesfois  non  point  qu'il  fust  destitue  de  toute  consolation,  puis  qu'il  savoit  que  sa  faute  luy  estoit  pardonnee,  comme  nous  avons  veu  auparavant.  Comme  aussi  quelque  fois  nostre  Seigneur  nous  donnera  un  tesmoignage  de  sa  grace  qui  nous  sera  obscur,  que  nous  ne  serons