27:192  que  le  peuple  n'a  pas  eu  licence  de  regarder:  Voici  le  lieu  plus  propre:  mais  Dieu  a  eu  la  maistrise.  Par  cela  nous  sommes  admonnestez  que  ce  n'est  pas  a  nous  d'establir  un  service  de  Dieu  selon  que  bon  nous  semblera  :  mais  qu'il  nous  le  faut  escouter,  et  qu'on  recoive  tellement  sa  parolle,  qu'il  ne  veut  qu'on  y  adiouste  rien  :  comme  il  sera  encores  mieux  conferme  en  la  fin  du  chapitre.  Et  mesmes  quand  il  dit  qu'il  le  choisir  a  en  V  une  des  lignees,  par  cela  il  nous  monstre,  que  combien  que  l'un  sera  plus  honore  que  l'autre,  il  ne  faut  point  porter  d'envie  a  nos  freres.  Contentons-nous  que  Dieu  accepte  nostre  service:  et  encores  qu'il  y  en  ait  d'aucuns  qui  soyent  moindres,  et  que  les  autres  soyent  plus  grands,  et  plus  excellens:  il  ne  faut  pas  que  cela  cause  murmure  entre  nous,  que  nous  prenions  occasion  de  nous  fascher  de  ce  que  Dieu  aura  eslargi  plus  de  grace  a  quelcun  qu'a  nous:  mais  qu'un  chacun  travaille  selon  son  degre,  et  que  nous  ne  demandions  sinon  que  Dieu  nous  recoive  tous  ensemble,  et  ceux  qui  vont  devant,  et  ceux  qui  suyvent  apres.  Au  reste  notons  bien,  quand  Dieu  dit  qu'il  choisira  ce  lieu  pour  y  mettre  son  nom,  que  ce  n'est  pas  que  son  essence  fust  enclose  au  sanctuaire:  mais  il  vouloit  que  le  peuple  eust  la  seulement  tesmoignage  de  sa  presence.  Et  c'a  este  afin  que  les  Iuifs  ne  s'amusassent  a  des  phantasies  lourdes,  selon  que  nous  voyons  les  hommes  estre  enclins  a  cela:  quand  Dieu  s'abbaisse  pour  se  communiquer  a  nous  privement,  nous  prenons  occasion  de  luy  forger  quelque  image,  nous  le  voudrions  attacher,  s'il  nous  estoit  possible,  a  chacune  pierre,  a  chacun  pilier,  en  chacun  anglet,  et  nous  semble  que  nous  ne  l'ayons  point  avec  nous,  sinon  que  nous  en  ayons  quelque  signe  visible.  Et  voila  qui  a  este  cause  de  faire  les  marmousets  et  idoles  pour  representer  Dieu.  Pour  ceste  cause  il  declaire  notamment  qu'il  choisira  un  lieu  auquel  il  voudra  estre  honore  et  servi:  mais  ce  n'est  point  que  son  essence  soit  la  enclose,  seulement  son  nom  y  sera,  c'est  a  dire,  qu'il  y  vouloit  estre  reclame.  Et  cependant  il  falloit  que  les  Iuifs  fussent  admonnestez,  voyans  l'arche  de  l'alliance,  voyans  les  signes  que  Dieu  avoit  donnez,  de  regarder  au  patron  celeste  que  Moyse  avoit  veu  en  la  montagne,  et  que  tous  fussent  conduits  au  service  spirituel  qui  estoit  la  figure,  et  que  Iesus  Christ  mesmes  fust  la  substance  de  tout.  Or  auiourd'huy  il  est  vray  qu'encores  Dieu  condescend  a  nostre  rudesse,  quand  il  veut  que  nous  ayons  des  temples  pour  nous  assembler,  nous  viendrons  ici  pour  faire  les  oraisons  communes:  apres,  le  Baptesme  y  sera  administre,  car  aussi  Iesus  Christ  preside  au  milieu  de  nous,  et  en  la  Cene  nous  avons  tesmoignage  que  nous  sommes  unis  a  luy,  et  y  sommes  incorporez,  tellement  que  nostre  vie  nous  est  commune.  Mais