20:192  inter  nos  in  dies  dissideamus  et  in  deterius  abeamus.  Neque  non  insuper  illud  Pauli  adiicio:  si  et  hominum  loquar  et  angelorum  linguis,  neque  caritate  sim  praeditus,  sum  aes  personans  aut  cymbalum  tinniens  :  et  si  tantum  divinationis  habeam  ut  omnia  arcana  scientiamque  omnem  teneam,  et  si  adeo  omni  fide  sim  praeditus,  nibil  sum:  et  si  omnes  meas  facultates  in  liberalitatem  erogem,  et  si  vel  meum  corpus  comburendum  tradam,  et  tamen  caritate  non  sim  praeditus,  nihil  proficio.  Haec  sunt  quae  ego  de  Christi  spiritu  et  caritate  et  scripsi  et  scribo  et  sentio.  Tantum  abest  ut  hoc  crimen  reformidem,  ut  haec  vera  esse  dicam,  pronunciem,  clamem,  et  eventus  ipse  vera  esse  et  hactenus  docuit  et  deinceps  docebit.  Nam  sine  Christi  spiritu  et  caritate,  si  quis  has  controversias  componi  posse  sperat,  eum  perinde  facere  dico  ac  si  velit  arenatum  ex  sola  arena  et  calce  sine  aqua  facere.  Illud  addo,  accusatorem  meum  hic  sibi  ipsi  tripliciter  contradicere.  Nam  si  sum  Libertinus,  non  possum  esse  vel  Papista  vel  Anabaptista:  sin  Papista  sum,  nec  Libertinus  nec  Anabaptista,  aut  si  Anabaptista,^  nec  Libertinus  nec  Papista  esse  possum.  Quippe  quum  hae  tres  sectae  inter  sese,  addo  etiam  ab  Aacademicorum  secta  ipsae  omnes  sicut  aqua  ab  igni  discrepant,  id  quod  facile  probarem,  nisi  id  vestrae  prudentiae  cognitum  esse  mihi  persuaderem.  Haec  sunt  quae  mihi  a  Beza  in  illis  de  quibus  dictum  est  locis  imposita  sunt.  Sunt  et  alia,  mei  clementissimi  Domini,  quae  mihi  Beza  et  Calvinus  imponunt:  quorum  unum  aut  alterum,  de  quibus  vos  facillime  etiam  sine  mea  defensione  iudicare  poteritis,  obiter  dicam.  Unum  est  quod  ego  Biblia  transtulerim  impulsu  instinctuque  diaboli.  Cogitate  quam  verisimiliter  haec  scripserint.  Alterum  est  quod  vicini  mei  ligna  harpagone  rapuerim.  Hinc  cognoscite,  mei  clementissimi  Domini,  quales  sint  accusatores  mei.  Nam  si  eorum  accusationi  credatis,  oportebit  non  solum  me,  verum  etiam  vicinos  tunc  meos  et  piscatores  multos,  aliosque  cives  Basilienses  fortasse  plus  quam  trecentos  mecum  dare  furti  poenas,  quippe  qui  eidem2)  ligna  centies  mecum  harpagonibus  rapuerint.  Hoc  isti  quum  furtum  palam  publicatis  toto  orbe  libris  interpretati  fuerint,  cogitate  quales  sint  et  in  caeteris  interpretes,  praesertim  si  quem  oderint:  nam  mea  scripta  nihilo  candidius  profecto  sunt  interpretati  quam  harpagonem.  Haec  et  huius  generis  alia  multa  quae  de  me  scripserunt,  si  vult  probare  meus  accusator,  prodeat  coram  vestro  senatu,  et  ego  coram  eodem  etiam  verbis  (utcunque  germanice  vix  etiam  balbutiam)  paratus  sum  causam  dicere.  Sin  malam  habet  con-  2)  civi  vicino,  cuius  erant  illa  ligna  Bheno  devecta.