1:192  [CO  1.  192]  satis  esse  visum  est.  Diaconorum  meminit  et  Paulus  (1  Tim.  3),  quos  vult  esse  pudicos,  non  bilingues,  non  vinolentos,  non  turpe  lucrum  sectantes,  bene  institutos  in  fide,  unius  uxoris  viros,  domum  suam  et  liberos  bene  regentes.  At  vero,  quos  nobis  isti  fingunt  diaconos,  quid  habent  simile?  Non  de  hominibus  loquor,  ne  querantur,  inique  ex  hominum  vitiis  suam  doctrinam  aestimari.  Sed  pro  iis  ipsis,  quos  doctrina  sua  nobis  tradunt,  indigne  testimonium  ab  eorum  exemplo,  quos  apostolica  ecclesia  diaconos  constituit, [p. 393]  peti  contendo.  Aiunt  ad  suos  diaconos  pertinere,  assistere  sacerdotibus,  ministrare  in  omnibus  quae  aguntur  in  sacramentis,  scilicet  in  baptismo,  in  chrismate,  in  patena  et  calice,  oblationes  inferre  et  disponere  in  altari,  componere  mensam  Domini  et  vestire,  crucem  ferre,  et  praedicare  Evangelium  et  epistolam  ad  populum.  An  hic  verbum  unum  de  vero  diaconorum  ministerio  ?  Nunc  institutionem  audiamus.  Diacono  qui  ordinatur,  solus  episcopus  manum  imponit.  Orarium  illi,  id  est,  stolam  super  laevum  humerum  collocat,  ut  intelligat  se  accepisse  iugum  Domini  leve,  quo  ad  sinistram  pertinentia  divino  timori  subiiciat;  textum  evangelii  praebet,  ut  eius  se  praeconem  intelligat.  Quid  isthaec  ad  diaconos?  Perinde  vero  faciunt,  ac  si  quis  apostolos  se  instituere  diceret,  quos  duntaxat  adolendis  thuribus,  simulacris  poliendis,  converrendis  templis,  captandis  muribus,  fugandis  canibus  praeficeret.  Quis  id  hominum  genus  apostolos  vocari  pateretur,  et  conferri  cum  ipsis  Christi  apostolis?  Posthac  ergo  ne  diaconos  esse  mentiantur,  quos  non  nisi  ad  histrionicos  suos  ludos  instituunt.  Levitas  etiam  vocant  et  ad  filios  Levi  eorum  rationem  ac  originem  referunt;  quod  per  me  quidem  licet,  modo  fateantur,  quod  verum  est,  ad  leviticos  ritus  et  mosaicae  legis  umbras,  abnegato  Christo, [p. 394]  se  retrorsum  abire.  Nunc  semel  in  universum  constituamus,  quid  de  sacramento  ordinis  sentiendum.  Ne  autem  longius  repetenda  [OS  220]  sint,  quae  supra  explicata  sunt,  hoc  satis  esse  poterit  modestis  et  docilibus,  quales  instituendos  suscepi,  nullum  esse  Dei  sacramentum,  nisi  ubi  caeremonia  ostenditur  adnexa  promissione;  aut  certe  potius,  nisi  promissio  in  caeremonia  spectatur.  Hic  ne  syllaba  quidem  habetur  singularis  alicuius  promissionis.  Frustra  igitur  quaeratur  caeremonia  ad  confirmandam  promissionem.  Rursum,  nulla  caeremonia  a  Deo  constituta  legitur:  sacramentum  igitur  nullum  esse  potest.  De  matrimonio.  Postremum  est  matrimonium.  Quod  ut  a  Deo  institutum  fatentur  omnes  (Gen.  2.  Matth.  19),  ita