9:191  191  ULTIMA  ADM0NIT10  192  nomen,  centies  occurrit  verbum  substantivum,  nusquam  vox  symboli  aut  figurae:  cur  nunc  non  eadem  erit  spiritui  sancto  libertas?  nisi  forte  Magdeburgensium  imperio  cogetur  linguam  mutare.  Pergunt  tamen  adhuc  decimo  octavo  loco,  apostolos  subiicere  suis  legibus.  Si  in  ipsa,  inquiunt,  narratione  nihil  audebant  mutilare  apostoli,  eo  quod  testibus  non  licet  quidquam  demere  vel  adiicere,  saltem  alibi  debebant  veram  sententiam  patefacere  Sed  quid  si  apud  dociles  satis  patefacta  est  his  verbis  veritas?  Quis  enim  in  sacramentis  omnibus  dubitet  ab  externo  et  terrestri  signo  ad  rem  coelestem  assurgere?  Columbam  audio  vocari  spiritum  sanctum:  non  litigo  cum  evangelista  quod  non  mihi  figurae  nomen  exprimat,  quia  expensa  analogia  inter  signum  et  rem  signatam  tollitur  omnis  ambiguitas.  Ita  in  Christi  verbis  quid  postulet  sacramenti  natura  [pag.  149]  expendens,  quamvis  certo  statuam  vere  impleri  quod  verba  sonant,  figuram  tamen  qua  fidei  meae  infirmitatem  adiuvare  voluit  Christus,  non  repudio.  Ita  a  pane  et  calice  ad  carnem  et  sanguinem  opportunus  fit  transitus:  neque  hoc  modo  occultatur  Christi  doctrina,  cuius  illustrandae  studium  si  vigeret  apud  Magdeburgenses,  sicuti  simulant,  non  tam  praepostere  involverent  ac  miscerent  quae  distincta  plenam  lucem  afferunt.  Panem  volunt  substantialiter  esse  corpus:  nos  symbolum  esse  docemus,  cui  annexa  est  vera  rei  exhibitio,  quia  non  fallaciter  carnem  suam  nobis  cibum  esse  figurat  Dominus:  sed  oculis  ostendit  quod  vere  intus  spiritus  sui  virtute  praestat.  Quam  simplicem  doctrinam  frustra  foedare  verborum  portentis  conantur  Magdeburgenses,  dum  inepte  scurrando  fictitium  verbum  Figurisandi  nobis  tribuunt.  Potius  debebant  ipsi,  dum  Paulum  referunt  tam  de  elementis  quam  de  corpore  et  [pag.  150]  sanguine  Domini  loqui,  attentius  expendere  quem  locum  obtineant  elementa.  Nisi  enim  symbola,  et  figurae,  et  signa,  et  typi  rerum  spiritualium  censeantur,  non  modo  ludicra,  sed  absurda  erit  actio.  Decimum  nonum  fundamentum  per  me  intactum  manet.  Quis  enim  neget  verum  commendari  Christi  corpus  a  Paulo?  Sicuti  non  fallax,  vel  imaginarium,  vel  umbratile  nobis  in  coena  dari  sentio:  sed  naturale  illud  cuius  sacrificio  in  cruce  expiata  sunt  peccata.  Cui  si  nihilo  magis  convenit  ubiquitas,  quam  soli  densitas  opaca,  vel  terrestre  pondus,  sequitur  Magdeburgensium  commento  nos  a  vero  Christi  corpore  ad  spectrum  nescio  quod  traduci.  Frustra  enim  clamant,  verum  Christi  corpus,  quod  ipsi  falsificant.  Porro  quod  sacrilegium  exprobrat  Paulus  indigne  manducantibus  Christi  panem,  quia  non  diiudicant  corpus  Domini,  frigide  et  inscite  inde  colligitur,  sub  pane  latere  carnis  substatiam.  Neque  enim  si  dentibus  terendum  non  [pag.  151]