56:191  191  LEVITIQUE.  192  enfans  avec  luy,  et  s'en  retournera  en  sa  famille,  et  en  la  possession  de  ses  peres.  42.  Car  ceux  que  i'ay  retirez  d'Egypte  sont  mes  serviteurs:  partant  ne  seront  vendus  par  vendition  servile.  43.  Tu  ne  domineras  point  sur  luy  rigoureusement,  ains  tu  craindras  ton  Dieu.  44.  Or  vos  serfs  et  vos  serves  que  vous  aurez,  vous  les  acheterez  des  gens  qui  sont  a  l'entour  de  vous.  45.  Aussi  vous  en  acheterez  des  forains  qui  conversent  avec  vous:  et  de  la  famille  de  ceux  qui  conversent  entre  vous,  lesquels  ils  auront  engendrez  en  vostre  terre:  et  en  seront  en  possession.  46.  Et  les  aurez  en  heritage  pour  les  laisser  a,  vos  enfans  apres  vous,  a  ce  qu'ils  les  possedent  par  heritage:  et  vous  servirez  d'eux  a  perpetuite:  mais  sur  vos  freres,  les  enfans  d'Israel,  nul  ne  dominera  rigoureusement.  47.  Si  l'estranger  ou  Thoste  qui  est  avec  toy  s'est  enrichi,  et  ton  frere  qui  est  avec  luy  s'est  appovri,  tellement  qu'il  se  soit  vendu  a  l'estranger  ou  au  forain  qui  est  avec  toy,  ou  au  lignage  de  la  famille  de  l'estranger:  48.  Apres*  s'estre  vendu,  il  sera  rachetable:  et  un  de  ses  freres  le  rachetera.  49.  Soit  son  oncle,  ou  le  fils  de  son  oncle,  ou  autre  parent  de  sa  chair  d'entre  sa  famille:  ou  s'il  a  de  quoy1)  luy-mesme  se  rachetera.  50.  Et  contera  avec  son  acheteur,  depuis  l'an  qu'il  s'est  vendu  a  luy,  iusques  a  Pan  du  Iubile,  et  sera  l'argent  de  sa  vendition  selon  le  nombre  des  ans:  appointant  avec  luy  selon  le  temps  d'un  mercenaire.  51.  S'il  y  a  encore  plusieurs  annees,  il  restituera  son  rachet  selon  icelles  de  l'argent  de  sa  vendition.  52.  Mais  s'il  reste  peu  d'annees  iusques  a  l'an  du  Iubile,  il  contera  avec  luy:  restituant  son  rachet  selon  ses  annees.  53.  Il  sera  avec  luy  en  oeuvrant  comme  mercenaire.  Or  ne  dominera-il  point  sur  luy  rigoureusement  en  ta  presence.  54.  Que  s'il  ne  se  rachete  en  telles  facons,  il  sortira  en  l'an  du  Iubile  luy  et  ses  fils  avec  luy:  55.  Car  les  enfans  d'Israel  me  sont  serfs,  ce  sont  mes  serfs  que  i'ay  retirez  de  la  terre  d'Egypte:  ie  suis  l'Eternel  vostre  Dieu.  Chapitre  XXVI.  1.  Vous  ne  vous  ferez  point  d'idole,  ni  d'image  taillee:  et  ne  vous  dresserez  point  de  statue,  et  ne  mettrez  pierre  de  representation2)  en  vostre  terre  pour  vous  encliner  devant:  car  ie  suis  l'Eternel  vostre  Dieu.  2.  Vous  garderez  mes  Repos,  et  craindrez  mon  Sanctuaire.  Ie  suis  l'Eternel.  3.  Si  vous  cheminez  en  mes  ordonnances,  et  gardez  mes  commandemens,  et  les  faites:  4.  Ie  vous  donneray  vos  pluyes  en  leur  temps,  la  terre  donnera  son  fruict,  et  les  arbres  des  champs  donneront  leur  fruict.  5.  La  bature  des  grains  rencontrera  la  ven-  0  s'il  est  enrichy  O.  2)  de  adoration  O.