55:191  191  EPIST.  AD  HEBRAEOS  192  doctrinis:  nec  aliud  esse  cavendi  remedium,  quam  ut  pura  Christi  cognitione  munita  sit.  Bonum  enim  gratia.  Nunc  a  generali  principio  ad  speciem  descendit.  Nimirum  familiaris,  ut  notum  est,  Iudaeis  superstitio  erat  in  habendo  ciborum  delectu,  quae  multis  rixis  ac  dissidiis  occasionem  praebebat.  Erat  autem  haec  una  ex  peregrinis  doctrinis:  quia  oriebatur  ex  ignorantia  Christi.  Ergo  postquam  fidem  nostram  in  Christo  fundavit,  ciborum  observationem  ad  summam  salutis  veramque  sanctitatem  pertinere  negat.  Quum  cibis  opponit  gratiam,  non  dubito  quin  spiritualem  Dei  cultum  et  regenerationem  intelligat  hoc  nomine.  Cordis  confirmationem  ponit,  alludens  ad  verbum  circumferendi:  ac  si  diceret,  spiritualis  Dei  gratia  vere  nos  stabiliet,  non  ciborum  observatio.  Quod  sequitur,  nihil  profuisse  cibos  iis  qui  in  i  l  l  i  s  versati  sunt:  incertum  est  ad  quos  referat.  Nam  certe  patribus,  qui  sub  lege  vixerunt,  utilis  fuit  paedagogia,  cuius  pars  erat  ciborum  discrimen.  Videtur  ergo  hoo  potius  de  superstitiosis  intelligi,  qui  revelato  evangelio  perperam  adhuc  in  veteribus  caeremoniis  haerebant.  Quamquam  si  de  patribus  dextere  exponas,  nihil  erit  absurdi.  Profuit  quidem  illis,  impositum  a  Domino  iugum  subire,  et  se  obedienter  continere  sub  communi  piorum  et  totius  ecclesiae  disciplina:  verum  apostolus  significat,  per  se  nihil  valuisse  ciborum  abstinentiam.  Et  certe  nihili  reputanda  est,  nisi  quatenus  rudimentum  fuit,  quo  tempore  similes  pueris  erant  filii  Dei  quoad  externum  regimen.  Versari1)  in  cibis,  capitur  pro  habere  illorum  rationem,  ut  discrimen  sit  inter  mundum  et  immundum.  Caeterum  quod  de  cibis  tradit,  licebit  ad  alios  legis  ritus  extendere.  10.  Habemus  altare,  de  quo  edendi  non  habent  potestatem  qui  tabernaculo  serviunt  ll.  Quorum  enim  animalium  infertur  sanguis  pro  peccato  in  sancta  per  sacerdotem,  eorum  corpora  cremantur  extra  castra.  12.  Quare  et  Iesus,  ut  sanctificaret  per  proprium  sanguinem  populum,  extra  portam  passus  est.  13.  Proinde  exeamus  ad  eum  extra  castra,  probrum  eius  ferentes.  14.  Non  enim  habemus  hic  manentem  civitatem,  sed  futuram  inquirimus.  15.  Per  ipsum  ergo  offeramus  semper  hostiam  laudis  Deo,  hoc  est,  fructum  labiorum  confitentium  nomini  eius.  10.  Habemus  altare.  Elegans  est  anagoge  a  veteri  legis  ritu  ad  praesentem  ecclesiae  statum.  Solenne  erat  sacrificii  genus,  cuius  mentio  fit  Levitici  16,  unde  nulla  portio  ad  sacerdotes  et  levitas  redibat.  Hoc  nunc  impletum  fuisse  in  Christo  concinna  allusione  docet,  quoniam  hac  lege  immolatus  fuit,  ut  eo  non  vescantur  qui  tabernaculo  ministrant.  *)  Ambulare.