51:191  191  EPIST.  PAULI  AD  EPHESIOS  192  nimes  in  hoc  mundo.  Nam  ideo  simul  omnes  Deus  una  voce  invitat,  ut  eodem  fidei  consensu  inter  se  uniti,  mutuo  alii  alios  iuvare  studeant  O  si  animis  nostris  insideret  haec  cogitatio,  hanc  legem  nobis  esse  propositam,  ut  non  magis  dissidere  inter  se  possint  filii  Dei  quam  regnum  coelorum  dividi,  quanto  in  colenda  fraterna  benevolentia  essemus  cautiores?  Quanto  nobis  horrori  essent  omnes  simultates,  si  reputaremus,  ut  decet,  eos  omnes  se  alienare  a  regno  Dei,  qui  a  fratribus  se  disiungunt?  Sed  nescio  qul  fit  ut  secure  nos  esse  filios  Dei  gloriemur,  mutuae  inter  nos  fraternitatis  obliti.  Discamus  itaque  ex  Paulo,  eiusdem  haereditatis  minime  esse  capaces  nisi  qui  unum  corpus  sunt  et  unus  spiritus.  5.  Unus  Dominus.  Priore  ad  Corinth.  12,  O  simpliciter  hac  voce  Domini  imperium  Dei  notat.  Hic  vero,  quia  paulo  post  de  patre  nominatim  loquetur,  proprie  Christum  intelligit,  qui  ordinatus  est  nobis  a  patre  dominus.  Non  possumus  autem  illius  dominio  subesse,  nisi  unanimes.  Quoties  hic  legis  vocabulum  unus,  intellige  emphatice  positum.  Ac  si  diceret,  non  potest  dividi  Christus,  non  potest  scindi  fides:  non  sunt  diversi  baptismi,  sed  unus  omnibus  communis:  non  potest  Deus  in  partes  varias  distrahi.  Ergo  unitatem  inter  nos  sanctam  coli  decet,  quae  tot  vinculis  est  colligata.  Nam  et  fides,  et  baptisma,  et  Deus  pater  et  Christus  unire  nos  debent,  ita  ut  quodammodo  in  unum  hominem  coalescamus  omnes.  Caeterum  haec  omnia  unitatis  argumenta  expendi  magis  debent  quam  enarrari  queant.  Ideo  breviter  apostoli  mentem  indicare  mihi  sufficit:  plenam  tractationem  concionibus  relinquo.  Porro  unitas  fidei,  cuius  meminit,  ab  unica  et  aeterna  Dei  veritate  pendet,  in  qua  fundata  est.  Unum  baptisma.  Perperam  ex  hoc  loco  quidam  colligunt,  non  iterandum  esse  baptisma  inter  Christianos.  Neque  enim  hoc  vult  apostolus:  sed  idem  esse  omnibus  commune.  Ideoque  per  ipsum  initiari  nos  in  unam  animam  et  unum  corpus.  Quod  si  valet  illa  ratio,  multo  validior  erit  ista,  patrem,  et  filium,  et  spiritum  sanctum,  unum  Deum  esse:  quia  unum  est  baptisma,  quod  trium  nomine  consecratur.  Quid  enim  habebunt  vel  Ariani,  vel  Sabelliani,  quod  respondeant  ad  istam  obiectionem?  Baptismus  tantam  vim  habet  ut  nos  unum  efficiat.  In  baptismo  autem  invocatur  nomen  patris,  et  filii,  et  spiritus  sancti.  Negabuntne  unam  esse  divinitatem,  quae  sit  huius  sacrae  et  mysticae  unitatis  fundamentum?  Ergo  fateamur  necesse  est,  ex  baptismi  institutione  probari  tres  personas  in  una  Dei  essentia.  6.  Unus  Deus  et  pater.  Hoc  est  praecipuum  :  quia  inde  manant  reliqua  omnia.  Unde  enim  fides?  unde  baptismus?  unde  Christi  etiam  dominium,  cuius  auspiciis  copulamur,  nisi  quia  Deus  pater  se