50:191  191  EPIST.  PAULI  AD  GALATAS  192  tietur,  hoc  accidisse  priusquam  pronuntiassent  apostoli,  non  exhibendam  esse  gentibus  molestiam  de  caeremoniis.  Neque  enim  veritus  fuisset  Petrus  Iacobum  offendere,  vel  ab  eo  missos:  quum  ea  definitio  fuisset  ex  illius  sententia.  Porro  iam  longius  provehitur  Paulus,  quod  evangelium  suum  asseruerit  adversus  Petri  simulationem.  Initio  dixit  evangelii  sui  certitudinem  a  Petro  et  apostolis  minime  pendere,  ut  eorum  arbitrio  staret  vel  caderet.  Secundo,  dixit  approbatum  fuisse  ab  omnibus  sine  ulla  exceptione  vel  contradictione  :  maxime  vero  ab  iis,  qui  prima  stenebant  omnium  consensu.  Nunc  (ut  dixi)  altius  conscendit,  Petrum  abs  se  reprehensum  fuisse,  quia  in  contrariam  partem  inclinaret:  qua  etiam  occasione  in  ipsam  tractationem  causae  ingreditur.  Hinc  vero  apparet  quam  firma  fuerit  doctrina,  cuius  non  modo  voluntariam  subscriptionem  obtinuerit:  sed  quam  constanter  asseruerit  adversus  Petrum,  et  in  certamine  fuerit  superior.  Quid  iam  ergo  amplius  dubitationis  restat,  quin  pro  certa  et  invicta  veritate  recipiatur:  3imul  illa  calumnia  depulsa  est,  Paulum  vulgarem  esse  discipulum,  procul  distantem  a  gradu  apostolatus.  Ista  enim  reprehensio  signum  est  aequalitatis.  Fateor  quidem  summos  ab  infimis  iure  reprehendi.  Itaque  non  sequitur,  eos,  qui  quempiam  reprehendunt,  protinus  esse  pares.  Nam  libertas  haec  minoribus  erga  maiores  permittitur  a  Deo.  Sed  qualitas  reprehensionis  hic  notanda  est.  Neque  enim  simpliciter  Paulus  reprehendebat  Petrum,  ut  christianus  christianum:  sed  id  faciebat  ex  officio,  ut  vulgo  loquuntur:  hoc  est,  pro  iure  apostolicae  personae,  quam  sustinebat.  Atque  hic  altero  fulmine  prosternitur  romanus  papatus.  Praesertim  vero  coarguitur  illa  impudentia,  quod  romanus  Antichristus  immunem  se  iactat  a  reddenda  ratione,  et  quod  universae  ecclesiae  iudicio  se  eximit.  Hic  unus  homo  non  temere,  non  illicita  audacia,  sed  pro  concessa  sibi  a  Deo  potestate,  Petrum  coram  tota  ecclesia  castigat  :  et  Petrus  obedienter  correctioni  se  submittit.  Imo  tota  disputatio  duorum  istorum  capitum  nihil  aliud  fuit  quam  aperta  eversio  tyrannici  illius  primatus,  quem  iure  divino  fundatum  garriunt  Romanenses.  Atqui  si  Deum  volunt  habere  eius  autorem,  necesse  est  ut  novam  scripturam  fabricent.  Quod  si  professum  hostem  habere  ipsum  nolunt:  necesse  est  duo  haec  capita  ex  scriptura  sacra  expungant.  Quod  reprehensione  dignus.  Graecum  participium  reprehensum  significat  :  sed  mihi  non  est  ambiguum  quin  vice  nominis  positum  sit,  pro  eo  qui  iustam  reprehensionem  meretur.  Nam  quod  Chrysostomus  interpretatur,  prius  ab  aliis  ortam  fuisse  querimoniam  et  accusationem,  frigidum  sane  est.  Est  autem  Graecis  usitatum,  participas  dare  nominum  significationem  :  quod  huic  loco  quadrare  nemo  non  videt.