5:191  PSYCHOPANNYCHIA.  dum  tamen  plena  et  perfecta  quies.  Si  quidem  requiescere  dicitur,  qui  est  ubi  esse  appetit:  nec  modus  desiderii  finem  habet,  nisi  eo  pervenerit  quo  tendebat.  Si  autem  oculi  electorum  ad  supremam  Dei  gloriam,  velut  ad  scopum,  collimant,  semper  in  cursu  est  eorum  desiderium,  donec  impleta  fuerit  Dei  gloria:  cui  implementum  affert  dies  iudicii.  Tunc  verum  erit  illud:  Satiabor,  quum  evigilavero,  aspectu  vultus  tui  (Psal.  17,  15).  Ut  autem  reprobos  omittamus,  quibus  quid  accidat  non  magnae  curae  nobis  esse  debet,  velim  mihi  bona  fide  respondeant,  unde  illis  spes  resurrectionis,  nisi  quia  Christus  resurrexit?  Ipse  est  enim  primogenitus  mortuorum,  et  primitiae  resurgentium  (Col.  1,  18;  Apoc.  1,  5).  Quemadmodum  ille  mortuus  est  et  resurrexit,  ita  nos  in  eo  morimur  ac  resurgimus.  Si  enim  mors,  cui  obnoxii  eramus,  vincenda  illi  fuit  per  mortem,  haud  dubie  mortem  eandem  subiit  quam  et  nos,  atque  idem  in  morte  passus  est  quod  nos  patimur.  Id  planum  facit  veritas,  quum  vocat  primogenitum  mortuorum  et  primitias  resurgentium.  Atque  ita  docuit,  ut  fideles  in  media  morte  ipsum  sibi  ducem  agnoscant:  et  dum  mortem  suam  ipsius  morte  sanctificatam  aspiciunt,  nullam  eius  maledictionem  formident.  Quod  significat  Paulus,  dum  ait,  conformem  se  fieri  morti  eius,  donec  perveniat  ad  resurrectionem  mortuorum  (Phil.  3,  11).  Hanc  enim  conformitatem  hic  per  crucem  inchoatam  prosequebatur,  donec  eam  morte  adimpleret.  ]J^unc  paulisper,  o  somniatores,  redeatis  ad  cor  et  vobiscum  cogitetis,  quemadmodum  Christus  mortuus  est.  Num  tunc  etiam  dormiebat,  quum  vigilaret  in  salutem  vestram?  Non  sic  ipse  de  se  loquitur:  Sicut,  inquit,  pater  habet  vitam  in  semetipso,  sic  dedit  filio  habere  vitam  in  semetipso  (Ioann.  5,  26).  Qui  in  se  vim  vitae  habet,  quomodo  eam  perderet?  Neque  mihi  respondeant,  haec  ad  divinitatem  spectare.  ])  Si  enim  ei  datur  qui  non  habet,  homini  igitur,  non  Deo,  datum  est  in  se  habere  vitam.  Quum  enim  Iesus  Christus  Dei  sit  filius,  et  hominis:  quod  est  natura  ut  Deus,  id  est  gratia  ut  homo.  Ut  sic  de  plenitudine  eius  omnes  accipiamus,  et  gratiam  pro  gratia.  Apud  Deum  vitam  esse  si  audiant  homines,  quantum  inde  spei  concipiant:  quum  simul  sciant,  [fol.  14]  peccatis  suis  nubem  inter  se  et  Deum  oppositam?  At  haec  demum  vere  magna  consolatio  est,  quod  Deus  pater  Christum  unxerit  oleo  laetitiae  prae  consortibus  suis  2)  (Psal.  45,  8):  quod  ipse  Christus  homo  acceperit  a  patre  dona  in  hominibus  (Psal.  68,  19),  ut  in  natura  nostra  vitam  reperire  possimus.  Qua  ratione  legimus  turbam  post  suscitatum  puerum  glorificasse  1)  Augustinus  sic  accipit,  sed  nimis  dure.  2)  suis,  om.  1552  seqq.f  non  autem  G.