29:191  191  SERMON  CXCVII.  192  nous  est  propre  pour  nostre  salut.  Or  donc  la  benediction  de  Dieu  est  un  tesmoignage  et  un  effect  de  sa  faveur  et  de  sa  bonte  et  de  son  amour  gratuite  qu'il  nous  porte.  Or  ceste  amour  gratuite  de  Dieu  est  comme  la  fontaine  :  et  puis  il  y  a  sa  benediction,  qui  est  comme  le  canal.  Quand  donc  nous  recevons  quelque  bien,  quelque  prosperite,  cognoissons  que  c'est  Dieu  qui  nous  a  benit,  c'est  a  dire,  qui  nous  a  declairo  sa  faveur:  mais  cependant  si  nous  faut-il  tousiours  venir-la  a.  ceste  amour  gratuite,  quand  nous  sommes  ainsi  benits  de  Dieu.  Car  il  ne  nous  donneroit  nulle  declaration  de  sa  bonte  paternelle,  n'estoit  que  desia  il  nous  a  receus  pour  ses  enfans.  Et  voila  pourquoy  il  nous  traitte  si  doucement,  et  en  telle  bumanite.  Moyse  donc  a  tenu  ici  un  tresbon  ordre,  disant  que  Naphthali  sera  saoule  de  la  faveur  de  Dieu,  et  rempli  de  sa  benediction.  Il  met  la  faveur  en  premier  lieu:  car  aussi  c'est  la  source,  comme  i'ay  dit:  et  puis  il  adiouste  la  benediction  qui  en  procede,  c'est  assavoir  le  tesmoignage  que  Dieu  nous  rend  par  effect  que  nous  sommes  aimez  de  luy,  et  qu'il  nous  a  adoptez  pour  ses  enfans:  et  pour  ceste  cause  qu'il  veut  desployer  envers  nous  toutes  les  largesses  et  thresors  de  sa  bonte.  Maintenant  nous  avons  a  recueillir  une  bonne  doctrine  de  ce  passage,  c'est  assavoir  quand  nous  demanderons  prosperite,  que  nous  la  cerchions  en  Dieu:  et  que  nous  ne  facions  point  comme  ceux  qui  souhaitent  assez,  mais  cependant  ils  ne  peuvent  eslever  leurs  coeurs  en  haut  pour  invoquer  Dieu.  Voila  les  souhaits  de  ce  monde  qui  voleront  en  Pair,  chacun  appettera  bien  tout  ce  qui  luy  est  propre  selon  la  chair,  et  on  ne  cesse  de  souhaiter:  Ie  voudroye.  Et  quand  les  hommes  parlent  ainsi,  a,  grand'  peine  en  trouveraon  de  cent  l'un  qui  s'adresse  a  Dieu,  pour  dire:  Et  Seigneur,  tu  cognois  ce  qui  m'est  propre,  qu'il  te  plaise  me  renvoyer.  D'autant  donc  que  les  hommes  sont  ainsi  esgarez,  et  que  leur  nature  les  meine  la,  qu'ils  ne  font  que  voltiger  en  l'air  apres  leurs  souhaits,  et  que  cependant  ils  ne  s'exercent  point  en  prieres  et  oraisons  :  voila  pourquoy  il  nous  faut  bien  noter  les  passages,  ou  il  nous  est  monstre  que  toute  prosperite  vient  de  Dieu.  Et  au  reste  que  nous  sachions,  quand  Dieu  nous  declaire  ainsi  sa  faveur,  que  c'est  d'autant  que  par  sa  bonte  gratuite  il  luy  a  pleu  de  nous  aimer:  qu'il  ne  faut  point  que  nous  cerchions  en  nous  la  cause,  comme  si  nous  l'avions  prevenu,  comme  si  nous  avions  acquis  rien  de  nos  merites:  mais  Dieu  nous  est  propice,  d'autant  qu'il  nous  a  aimez,  combien  que  nous  en  fussions  indignes.  Voila  donc  comme  du  canal  duquel  nous  beuvons,  il  nous  faut  aller  a  la  fontaine,  et  a  la  premiere  source,  c'est  assavoir  a  la  bonte  gratuite  de  Dieu,  qui  obtient  le  degre  souverain,  comme  c'est  la  seule  cause  de  tous  les