27:191  191  SERMON  LXXXIII.  192  a  sa  facon.  Pour  ceste  cause  il  est  dit:  Vous  aurez  un  autel,  et  un  sanctuaire  :  et  Dieu  se  reserve  cela,  de  choisir  et  assigner  le  lieu  auquel  il  voudra  estre  adore  et  servi.  Nous  voyons  donc  que  toute  liberte  est  ici  ostee  aux  hommes,  afin  qu'ils  n'attentent  rien  qui  soit  au  service  de  Dieu.  Voila  pour  un  item.  Et  puis  pour  le  second  il  nous  est  monstre,  d'autant  que  nous  sommes  suiets  a  ceste  corruption  de  forger  beaucoup  de  folles  opinions,  et  quant  et  quant  fausses  et  meschantes,  que  Dieu  a  voulu  tenir  son  peuple  en  vraye  unite  de  foy:  et  quand  il  a  eleu  un  sanctuaire,  que  c'a  este  comme  un  lien  de  concorde,  afin  qu'un  chacun  ne  s'esgarast  point  a  sa  phantasie:  bref,  sans  union  de  foy  nous  ne  pouvons  pas  servir  a  Dieu,  ne  faire  chose  qui  luy  soit  agreable.  Et  en  cela  voyons-nous  que  les  hommes  en  leurs  folles  devotions  ne  profitent  de  rien:  mais  que  plustost  ils  provoquent  la  vengeance  de  Dieu,  d'autant  plus  qu'ils  s'efforcent  a  faire  ce  qu'ils  ont  invente  en  leur  cerveau.  Car  le  vray  fondement  de  religion  c'est,  que  nous  ayons  cogneu  celuy  que  nous  devons  servir:  comme  nostre  Seigneur  Iesus  en  parle  au  4.  de  S.  Iean:  Nous  savons  ce  que  nous  adorons.  Or  il  parle  la  des  Iuifs,  pource  qu'ils  avoyent  la  Loy,  et  en  icelle  ils  avoyent  pleine  certitude  comme  il  falloit  servir  a  Dieu.  Or  il  est  dit  par  les  Prophetes,  qu'a  la  venue  de  nostre  Seigneur  Iesus  Christ  il  y  aura  trois  autels,  l'un  en  l'Egypte,  l'autre  en  Assyrie,  et  l'autre  en  Iudee.  Par  cela  il  est  signifie  que  Dieu  sera  servi  par  tout.  Car  les  autels  materiels  ont  este  abbattus.  Et  ce  qu'on  appelle  autels  en  la  Papaute,  ce  sont  abominations  diaboliques  :  car  ils  ont  dresse  cela  pour  sacrifier  Iesus  Christ.  Or  il  s'est  offert  une  fois  pour  toutes,  comme  cest  office  luy  estoit  donne  de  Dieu  son  Pere.  Et  ainsi,  c'est  auiourd'huy  un  sacrilege,  et  un  blaspheme,  que  d'avoir  des  autels  entre  les  Chrestiens:  mais  cependant  Iesus  Christ  est  nostre  autel  spirituel:  et  quand  nous  sommes  unis  en  luy,  Dieu  est  deument  adore,  et  comme  il  le  demande.  Apprenons  donc,  combien  que  la  ceremonie  soit  abbatue,  que  ce  passage  nous  profite  beaucoup:  c'est  que  nous  devons  servir  a  Dieu,  non  point  qu'un  chacun  se  destourne  apres  sa  devotion  qu'il  aura  conceue  en  sa  teste,  mais  que  nous  ayons  ce  lien  de  foy  qui  nous  conioigne,  que  nous  ayons  une  vraye  concorde.  Et  sur  quoy  sera-elle  fondee?  En  la  parolle  de  Dieu,  et  en  nostre  Seigneur  Iesus  Christ,  qui  est  sa  vraye  sagesse:  car  si  nous  venons  a  luy,  nous  aurons  un  but  certain,  et  qui  ne  nous  peut  tromper:  mais  si  tost  que  nous  declinons  de  luy  tant  peu  que  ce  soit,  nous-nous  pourrons  bien  esvanouir  en  nos  folles  pensees.  Voila  en  somme  ce  qui  nous  est  enseigne  quant  au  lieu.  Et  notons  bien  que  c'a  este  a  Dieu  de  le  choisir,  comme  il  a  este  monstre  ci  dessus: