20:191  191  EPISTOLAE  4046.4047  192  nos  scripsi  probare  conatur,  dico  eum  sinistre  interpretari  scripta  mea,  et  ex  eis  illa  velle  elicere  quae  mihi  nunquam  venerunt  in  mentem  et  hoc  publico  scripto  probare  sum  paratus.  Tertium  crimen  est  quod  ego  sim  omnium  facinorosorum,  haereticorum,  adulterorum,  furum,  homicidarum  patronus,  et  quod  eos  tutos  ab  accusatoribus  et  iudicibus  praestare  velim,  et  quod  nolim  magistratum  ullo  modo  sese  negotiis  religionis  immiscere.  Et  de  hoc  crimine  idem  quod  de  superioribus  respondeo,  videlicet  falsissimum  esse,  et  ut  id  probet  accusator  postulo.  Ego  vero  me  contrarium  probaturum  esse  etiam  ex  scriptis  meis  spondeo.  Omnino  si  sit  opus  testibus  fide  dignis,  planum  faciam,  quosdam  qui  de  magistratu  sinistre  sentiebant  fuisse  ab  eo  errore  opera  mea  revocatos.  Nam  de  magistratu  omnino  idem  et  semper  sensi  et  sentio  quod  in  sacris  literis  et  in  Basiliensi  confessione  habetur,  videlicet:  Es  JiaU  Gott  der  Oberkeit  seiner  JDienerin  das  Schweert  und  hosten  usserlichen  Gewatt  zeschirm  den  guoten,  Baach  und  Straf  der  bosen  hefolhen.  Atque  illud  addo,  eam  durare  oportere  etiam  tempore  novi  Testamenti,  quamdiu  erunt  facinorosi  homines  qui  sunt  puniendi,  et  qui  ei  potestati  resistit  is  Dei  ordinationi  resistit.  Quartum  crimen  est  quod  Castellio  sit  papista  et  blasphemus  in  Dei  gratiam.  Et  ad  hoc  crimen  respondeo  idem  quod  ad  superiora,  videlicet  falsum  esse  neque  id  ullum  unquam  mortalium  esse  probaturum.  Nam  tantum  abest  ut  sim  papista  ut  a  magnis  viris  non  semel,  magna  mercede  proposita,  et  iam  pridem  et  non  ita  pridem  sollicitatum  ut  ad  ipsos  migrarem  recusarim.  Quod  vero  in  Dei  gratiam  blasphemum  esse  me  dicit,  hoc  quoque  non  minus  quam  illud  falsum.  Nam  nos  gratuito  Dei  beneficio  per  fidem  in  Christum  iustificari  et  servari  semper  et  credidi  et  docui,  et  hoc  etiam  scripta  mea  palam  testantur.  Quintum  crimen,  quod  Castellio  sit  Academicus  et  quod  habeat  spiritum  Anabaptisticum.  Academici  erant  philosophi  quidam  qui  nihil  sciri  posse  dicebant  ideoque  nihil  affirmabant.  Ab  hoc  crimine  ipsemet  Beza  in  hoc  libro  me  maxime  vindicat:  ideo  enim  in  me  in  toto  libro  invehitur  quia  multa  affirmem  quae  ipse  a  me  affirmari  indignatur.  Quod  vero  de  spiritu  Anabaptistico  scribit,  qualem  spiritum  habeant,  aut  quid  de  Dei  verbo  sentiant  aut  scribant  Anabaptistae  ipsi  viderint.  Quid  ego  sentiam  aut  scripserim  libenter  fatebor.  Ego  et  scripsi  et  nunc  scribo  et  sentio,  controversias  quae  sunt  inter  theologos  de  religione  non  posse  ex  scriptura,  nisi  simul  adsit  tum  Christi  spiritus  qui  mentes  aperiat,  tum  caritas,  componi.  Atque  illud  addo,  nisi  operam  dederimus  ut  caritatem  habeamus,  futurum  esse  ut  quanto  plus  literae  habebimus  tanto  minus  spiritus  habeamus,  tantoque  magis