7:190  sanctifier,  qu'ilz  ne  faillent,1)  et  que  leurs  oeuvres  ne  [page  99]  soyent  mauvaises  et  damnables:  d'autant  que  toute  oeuvre  est  qualifiee  par  l'intention  de  celuy  qui  la  faict.  Et  pourtant  ceux  qui  ne  distinguent  point  cela,  sont  comme  pourceaux  qui  renversent  tout  de  leur  groing,  et  font  une  confusion  ou  il  y  avoit  le  plus  bel  ordre  du  monde.  Telz  sont  les  Libertins,  qui  non  seulement  font  le  diable  compaignon  de  Dieu,  mais  le  transmuent  en  Dieu,  faisans  ses  oeuvres  louables,  soubz  ombre  qu'il  ne  faict  que  ce  que  Dieu  a  ordonne.  'Et  ceste  heresie,  si  nous  croyons  les  anciens  docteurs,  a  prins  son  origine  de  Simon  le  magicien.  Au  contraire  il  nous  faut  observer  que  les  creatures  font  icy  bas  leurs  oeuvres  en  leur  degre:  lesquelles  sont  a  estimer  bonnes  ou  mauvaises,  selon  qu'elles  sont  faictes  pour  obeir  a  Dieu,  ou  pour  l'offenser.2)  Ce  pendant  Dieu  est  par  dessus,  qui  dirigea)  les  choses  a,  bonne  fin,  et  tourne  le  mal  en  bien,  ou  pour  le  moins  tire  du  bien  de  ce  qui  est  mauvais,  besongnant  selon  sa  nature:  c'est  a  dire,  en  iustice  et  equite:  et  [page  100]  s'aidant  tellement  du  diable,  qu'il  ne  se  mesle  point  avec  luy  pour  avoir  rien  de  commun  ensemble,  ou  pour  s'envelopper  en  quelque  societe  du  mal,  ou  effacant4)  la  nature  du  mal  par  sa  iustice.  Car  tout  ainsi  que  le  soleil,  donnant  de  ses  rayons  sur  une  charongne,  et  causant  en  icelle  quelque  putrefaction,  n'en  tire  point  de  corruption  ne  macule  aucune,  et  ne  faict  point  par  sa  purete  que  la  charongne  ne  soit  puante  et  infecte:  aussi  Dieu  faict  tellement  ses  oeuvres  par  les  meschans,  que  la  sainctete  qui  est  en  luy  ne  les  iustifie  point,  et  l'infection  qui  est  en  eux  ne  le  contamine  en  rien.  La  troisiesme  espece  de  l'operation  de  Dieu  gist  et  consiste  en  ce  qu'il  gouverne  ses  fideles,  vivant  et  regnant  en  eux  par  son  sainct  esprit.  Car  entant  que  nous  sommes  corrompus  par  le  peche  originel,  nous  sommes  comme  une  terre  seche  et  sterile,  qui  ne  peut  produire  aucun  bon  fruict.  Car  nostre  iugement  est  pervers,  nostre  volunte  est  rebelle  contre  Dieu,  encline  et  adonnee  [page  101]  a  mal:  toute  nostre  nature  en  somme  est  vitieuse.  Estans  telz,  non  seulement  nous  n'avons  point  le  pouvoir  de  nous  appliquer  k  bien,  mais,  qui  plus  est,  nous  ne  sommes  point  idoines  a  concevoir  une  seule  bonne  pensee,  comme  dit  sainct  Paul  (2  Cor.  3,  5)  :  mais  faut  que  toute  nostre  suffisance  vienne  de  1)  non  propterea  excusari  ipsos  aut  expiari  quo  minus  delinquant.  2)  Le  traducteur  met  Simplement:  hoc  vel  illo  fine.  3)  adresse  1611.  4)  Cest  ainsi  qu'on  lit  dans  la  premiere  edition,  et  dans  le  texte  latin  (vel  mali  naturam  deleat  etc).  Mais  les  autres  editions  ont  une  lecon  qui  nous  parait  preferable:  en  effacant.