56:190  annee  si  qu'elle  fera  fruict  pour  trois  ans.  22.  Puis  vous  semerez  en  la  huitieme  annee,  et  mangerez  le  fruict  vieil  iusques  a  la  neufieme  annee:  tant  que  le  second  fruict  sera  venu  vous  mangerez  le  vieil.  23.  La  terre  ne  sera  point  vendue  absoluement,  car  la  terre  est  miene:  et  vous  estes  estrangers  et  hostes  chez  moy.  24.  Ainsi  en  toute  la  terre  de  vostre  possession  vous  baillerez  rachet  pour  la  terre.  25.  Que  si  ton  frere  est  appovri,  et  vend  sa  possession,  quand  il  y  viendra  homme  pour  la  racheter,  son  prochain  rachetera  pour  soy  la  chose  vendue  par  son  frere.  26.  Or  si  l'homme  n'a  nul  racheteur,  mais  que  sa  main  ait  recouvre,  et  rachete  ce  qui  suffit  pour  le  rachet  :  27.  Il  contera  les  ans  de  sa  vendition,  et  restituera  le  surplus  a  l'homme  auquel  il  l'avoit  vendue,  et  ainsi  retournera  en  sa  possession.  28.  Mais  si  sa  main  n'a  point  trouve  ce  qui  suffit  pour  luy  rendre,  la  vente  sera  en  la  main  de  celuy  qui  l'a  achetee,  iusques  a  l'an  du  Iubile:  puis  expirera  au  Iubile,  et  il  retournera  en  sa  possession.  29.  Item,  si  l'homme  a  vendu  maison  assise  en  ville  muree,  son  rachet  sera  iusques  a  ce  que  Pan  de  la  vendition  d'icelle  soit  accompli  :  son  rachet  doncques  sera  pour  un  an.  30.  Mais  si  elle  n'est  point  rachetee  dedans  l'an  accompli,  la  maison  qui  est  en  ville  et  muraille,  escherra  a  perpetuite  a  celuy  qui  l'a  achetee  en  ses  generations:  et  n'expirera  point  pour  le  Iubile.  31.  Les  maisons  des  villages  qui  n'ont  point  de  murailles  a  l'entour,  seront  reputees  selon  la  terre  des  champs:  elles  auront  rachet,  et  retourner  ont  au  Iubile.  32.  Mais  des  citez  des  Levites,  et  des  maisons  des  villes  de  leurs  possessions,  le  rachet  en  sera  a  perpetuite  aux  Levites.  33.  Et  qui  aura  achete  des  Levites,  la  vendition  de  la  maison,  et  de  la  cite  de  sa  posession  expirera  au  Iubile:  car  la  maison  des  citez  des  Levites  est  leur  possession  entre  les  enfans  d'Israel.  34.  Et  le  champ  des  fauxbourgs  de  leurs  citez  ne  sera  point  vendu,  car  c'est  leur  possession  perpetuelle.  35.  Si  ton  frere  est  appovri,  et  se  retire  par  devers  toy,  tu  le  recevras  comme  estranger,  et  vivra  avec  toy.  36.  Tu  ne  prendras  usure  de  luy  ne  surcroy,  mais  tu  craindras  ton  D  i  e  u  :  ainsi  ton  frere  vivra  avec  toy.  37.  Tu  ne  luy  bailleras  point  de  ton  argent  a  usure,  et  ne  luy  donneras  de  tes  vivres  a  surcroist.1)  38.  Ie  suis  l'Eternel  vostre  Dieu  qui  vous  ay  retirez  de  la  terre  d'Egypte,  pour  vous  donner  la  terre  de  Chanaan,  afin  que  ie  fusse  vostre  Dieu.  39.  Si  ton  frere  est  appovri  aupres  de  toy,  et  s'est  vendu  a  toy,  tu  ne  le  feras  point  servir  en  facon  de  serf.  40.  Mais  il  sera  avec  toy  comme  mercenaire,  et  comme  hoste:  te  servant  iusques  a  l'an  du  Iubile.  41.  Lors  il  se  departira  de  toy,  et  ses  *)  ta  viande  pour  Pacroistre  O.