55:190  locus,  ex  quo  discimus  non  aliam  recte  sapiendi  esse  regulam,  quam  ut  sistamus  omnes  nostros  sensus  in  solo  Christo.  Caeterum  quia  cum  Iudaeis  agebat,  docet,  Christum  semper  eundem  principatum  tenuisse  quem  hodie  tenet:  ac  semper  sui  fore  similem  usque  ad  finem  mundi.  Heri,  inquit,  et  hodie,  idem  e  t  i  am  in  saecula.  Quibus  verbis  significat,  Christum,  qui  nunc  mundo  fuit  exhibitus,  ab  initio  mundi  regnasse:  nec  ulterius  fas  esse  progredi,  postquam  ad  eum  perventum  est.  Heri  ergo  totum  veteris  testamenti  tempus  complectitur.  Ac  ne  quis  subitam  paulo  post  mutationem  exspectaret,  quia  recens  adhuc  erat  evangelii  promulgatio,  pronuntiat,  sic  nuper  revelatum  esse  Christum,  ut  perpetuo  duret  eadem  eius  cognitio.  Hinc  apparet  non  de  aeterna  Christi  essentia  apostolum  disputare,  sed  de  eius  notitia,  quae  omnibus  saeculis  viguit  inter  pios,  ac  perpetuum  ecclesiae  fundamentum  fuit.  Certum  quidem  est,  prius  fuisse  Christum  quam  virtutem  suam  exsereret.  Sed  nunc  quaeritur  quid  tractet  apostolus.  Ideo  dico  ad  qualitatem  (ut  ita  loquar)  referri  hunc  sermonem,  non  ad  essentiam:  quia  non  disputatur  an  aeternus  fuerit  apud  patrem,  sed  qualis  fuerit  eius  notitia  inter  homines.  Caeterum  manifestatio  Christi,  quantum  ad  externam  speciem  et  modum,  diversa  quidem  fuit  sub  lege,  ab  ea  quam  hodie  habemus:  sed  id  non  obstat  quominus  vere  et  proprie  dicat  apostolus,  eundem  semper  esse  Christum  in  quem  respiciunt  fideles.  9.  Doctrinis  variis.  Colligit  non  esse  fluctuanduin:  quandoquidem  fixa  est  Christi  veritas,  in  qua  nos  consistere  oportet.  Et  certe  hinc  opinionum  veritas,  hinc  omne  superstitionum  genus,  hinc  omnia  errorum  monstra,  hinc  denique  omnes  religionis  corruptelae,  quum  in  solo  Christo  non  statur.  Neque  enim  frustra  docet  Paulus,  ipsum  nobis  esse  datum  a  Deo  in  sapientiam.  Ergo  huius  loci  summa  est,  ut  nobis  constet  firma  Dei  veritas  in  solo  Christo  acquiescendum  esse.  Unde  colligimus,  omnes,  qui  Christum  ignorant,  omnibus  Satanae  fallaciis  esse  expositos:  quia  extra  eum  nulla  est  fidei  stabilitas,  sed  innumerae  agitationes.  Mirum  ergo  papistarum  acumen,  qui  contrarium  remedium  profligandis  erroribus  excogitarunt:  nempe  si  extincta  sit  vel  sepulta  Christi  cognitio.  Verum  haec  spiritus  sancti  admonitio  cordibus  nostris  insideat,  non  aliter  extra  periculum  nos  fore,  quam  si  Christi  adhaereamus.  Porro  doctrinas,  quae  a  Christo  nos  abducunt,  varias  appellat:  quoniam,  non  alia  est  simplex  ac  sincera  veritas  quam  Christi  cognitio.  Peregrinas  autem,  quoniam  quidquid  extra  Christum  est,  Deus  pro  suo  non  agnoscet.  Quo  etiam  monemur  quorsum  tendere  nos  deceat,  si  rite  volumus  in  scriptura  proficere.  Peregrinatur  enim  quisquis  non  recta  in  Christum  collimat.  Significat  praeterea  apostolus,  ecclesiae  Dei  semper  fore  certamen  cum  peregrinis