52:190  quutiones,  ut  nos  regno  Dei  dignos  faciant.  Neque  hic  Paulus  disputat  de  causa  dignitatis,  sed  tantum  sumit  communem  scripturae  doctrinam,  quod  Deus  abolet  in  nobis  quae  mundi  sunt,  ut  meliorem  in  nobis  vitam  instauret.  Deinde  quod  pretium  vitae  aeternae  per  afflictiones  nobis  ostendit.  Denique  modum  simpliciter  designat  quo  aptantur  et  quasi  expoliuntur  fideles  sub  Dei  incude:  quia  per  afflictiones  mundo  renuntiare,  et  ad  coeleste  Dei  regnum  tendere  docentur.  Deinde  confirmantur  in  spe  aeternae  vitae,  dum  pro  ea  militat.  Nam  hic  est  ingressus  de  quo  concionatus  est  suis  discipulus  Christus.  (Luc.  9,  23.)  6.  Beddere  afflictionem.  Iam  diximus  cur  Dei  ultionem  adversus  reprobos  attingat:  ut  scilicet  discamus  recumbere  in  exspectationem  futuri  iudicii,  quia  Deus  malos  nondum  ulciscitur,  quos  tamen  scelerum  poenas  dare  necesse  est.  Simul  tamen  intelligunt  fideles,  non  esse  causam  cur  momentanae  et  fluxae  impiorum  felicitati  invideant,  quae  paulo  post  in  horrendum  exitium  mutanda  est.  Quod  subiicit  de  piorum  r  e  l  a  x  a  t  i  o  n  e  ,  convenit  cum  illa  Petri  sententia,  ubi  diem  ultimi  iudicii  diem  refrigerii  vocat  (Act.  3,  20).  In  hac  tamen  bonorum  et  malorum  declaratione  clarius  exprimere  voluit  quam  iniqua  et  praepostera  esset  mundi  gubernatio,  nisi  Deus  poenas  et  praemia  in  aliud  iudicium  differret.  Nam  hoc  modo  mortuum  esset  Dei  nomen.  Itaque  eum  officio  suo  virtuteque  spoliant  quicunque  non  intenti  sunt  ad  hanc,  de  qua  Paulus  loquitur,  iustitiam.  Addit,  nobiscum,  ut  fidem  doctrinae  ex  fidei  suae  sensu  conciliet.  Ostendit  enim  se  non  philosophari  de  rebus  ignotis,  dum  in  eadem  causa  et  in  eodem  ordine  se  cum  illis  locat.  Scimus  autem  quanto  plus  autoritatis  mereantur  qui  et  longo  usu  exercitati  sunt  in  iis  quae  docent,  nec  quidquam  postulant  ab  aliis  nisi  quod  parati  sunt  ipsi  praestare.  Non  ergo  in  umbra  praecipit  Paulus  qualiter  sub  sole  pugnare  debeant  Thessalonicenses  :  sed  strenue  pugnans  ad  eandem  ipsos  militiam  hortatur.  quum  manifestabitur  Dominus  Iesus  e  coelo  cum  angelis  potentiae  suae  8.  in  igne  flammantis  qui  ultionem  infliget  iis  qui  non  noverunt  Deum,  et  non  obediunt  evangelio  Domini  nostri  Iesu  Christi:  9.  qui  poenam  dabunt  interitum  aeternum  a  facie  Domini  et  a  gloria  potentiae  ipsius,  10.  quum  venerit  ut  sanctificetur  in  sanctis  suis,  et  admirabilis  reddatur  in  omnibus  qui  credunt  (quia  fides  habita  sit  testimonio  nostro  erga  vos)  in  illa  die.  Quum  manifestabitur.  Proximae  sententia  confirmatio.  Nam  quum  unum  sit  hoc  ex  fidei  nostrae  capitibus,  venturum  e  coelo  Christum,  nec  frustra