20:190  4046.  CASTELLIO  SENATUI  BASILEENSI.  Apologia  contra  calumnias  Bezae  et  Calvini.  (Ex  Archivis  civicis  Basil.  Eel.  Schr.  St.  75  B.  N.  %  Edidit  Maehly  p.  104.)  *)  Consuli  et  Senatui  Basiliensi,  Dominis  suis  clementissimis  et  colendis  Sebastianus  Castellio  salutem  in  Domino.  Est  mihi,  mei  clementissimi  Domini,  a  Magnifico  D.  Rectore  et  caeteris  ecclesiae  doctoribus  et  pastoribus  demonstratum,  quemadmodum  vobis,  clementissimi  mei  Domini,  scriptae  fuerint  literae  in  quibus  ego  gravissime  accusarer:  cuius  accusationis  partes  essent  duae:  Una  ex  libro  Theodori  Berne  sumpta,  altera  super  mea  translatione  Dialogorum  Bernhardini  Ochini,  Ac  mihi  postulanti  recitata  est  pars  illa  literarum  in  qua  ego  accusabar,  et  super  ea  interrogatus  sum  quid  responderem.  .Respondi,  petere  me  ut,  si  fieri  posset,  mihi  daretur  eius  partis  exemplar  ut  scripto  accusatus  scripto  responderem.  Quod  quum  sibi  nisi  vestro  permissu  licere  negassent,  et  alioquin  putarent  posse  me  ad  ipsas  criminationes  quae  in  illis  literis  allegarentur  respondere,  sic  facere  statui  et  notatis  ex  illis  literis  numeris  paginarum  in  quibus  in  libro  Bezae  accusor  vobis  adversus  illas  accusat  oris  mei  criminationes,  quantum  eas  recordari  et  comprehendere  possum,  hic  paucis  respondeo,  paratus  et  caeteras  eiusdem  criminationes  etiam  publico  scripto  (sicuti  publicis  scriptis  ab  eo  sum  accusatus)  diluere.  Quaeso  vos,  clementissimi  Domini  mei,  ut  me  causam  dicentem  eo  animo  audire  dignemini  quo  animo  se  quisque  vestrum  in  simili  casu  vellet  audiri.  Primum  crimen  est  quod  sim  Libertinus.  A  quo  crimine  ego  me  tam  procul  abesse  quam  procul  coelum  a  terra  distat  constantissime  affirmo,  et  innocentiae  meae  testes  omnia  scripta,  dicta  recte  intellecta,  et  facta  mea  allego.  Itaque  ante  omnia  crimen  hoc  ut  accusator  meus  probet  peto:  aut  si  non  probat  eum  calumniatorem  esse  dico,  et  insuper,  si  insontem  accusasse  non  est  ei  religio,  ipsummet  Libertinorum  haeresi  affinem  esse  affirmo.  Secundum  crimen  est  quod  sim  Pelagianus  et  quod  gratiam  Dei  et  peccatum  originis  negaverim.  Ad  quod  crimen  ego  idem  quod  ad  primum  respondeo,  et  ut  hoc  quoque  probet  accusator  postulo.  Nam  quod  ad  Bezae  scriptum  attinet,  in  quo  hoc  ex  eis  quae  ego  in  septimum  caput  ep.  ad  Roma-  4046.1)  Cf  Trechsel  I.  214.  Mahly  p.  73.