1:190  [CO  1.  190]  iniurios,  quod  unum  omnibus  veteribus  sacerdotiis  adumbratum  figuratumque  fuit.  In  eo  igitur  omnia  illa  conclusa  et  impleta  fuerunt,  in  eo  cessarunt  ut  iam  aliquoties  a  nobis  [OS  217]  repetitum  est,  et  epistola  ad  Hebraeos,  nullis  glossis  adiuta,  testatur.  Quod  si  tantopere  Mosaicis  caeremoniis  oblectantur:  cur  non  boves,  vitulos,  agnos,  ad  sacrificia  rapiunt?  Habent  quidem  bonam  partem  antiqui  tabernaculi,  et  totius  Iudaici  cultus.  Sed  hoc  tamen  eorum  religioni  deest,  quod  vitulos  et  boves  non  immolant.  Quis  non  videat  hanc  unctionis  observationem  circumcisione  multo [p. 389]  esse  perniciosiorem?  Praesertim,  ubi  accedit  superstitio,  et  pharisaica  opinio  de  dignitate  operis.  Iudaei  in  circumcisione  fiduciam  iustitiae  reponebant,  isti  in  unctione  spirituales  gratias.  Hoc  enim  est,  si  Deo  placet,  sacrum  oleum,  quod  characterem  indelebilem  imprimit.  Quasi  vero  oleum  pulvere  et  sale  abstergi  non  possit,  aut  si  tenacius  adhaesit,  sapone.  At  character  ille  spiritualis  est.  Quid  oleo  cum  anima?  An  obliti  sunt,  quod  ex  Augustino  occinunt  :  si  detrahatur  verbum  ab  aqua,  nihil  fore  nisi  aquam;  l)  habere  autem  a  verbo,  ut  sit  sacramentum?  Quod  verbum  ostendent  in  sua  pinguedine?  An  quod  Mosi  mandatum  est,  de  filiis  Aaron  ungendis  (Exod.  28.  29.  30)?  At  illic  etiam  mandatur  de  tunica,  de  ephod,  de  galero,  de  corona  sanctitatis,  quibus  ornandus  erat  Aaron;  de  tunicis,  baltheis,  mitris,  quibus  erant  vestiendi  eius  filii.  Mandatur  de  mactando  vitulo,  de  eius  adolendo  adipe,  de  arietibus  secandis  et  comburendis,  de  sanctificandis  auriculis  et  vestimentis,  alterius  arietis  sanguine,  et  innumerae  aliae  observationes,  quibus  praetermissis,  miror  cur  una  unctio  olei  illis  placeat.  Si  autem  aspergi  gaudent,  cur  oleo  potius  asperguntur  quam  sanguine?  Scilicet  rem  ingeniosam  conantur:  ex  Christianismo  et  Iudaismo,  et  paganitate,  velut  consutis  centunculis,  religionem  unam  conficere.  Foetet  igitur  eorum [p. 390]  unctio,  quae  sale,  id  est,  verbo  Dei  destituitur.  Superest  impositio  manuum,  quam  fuisse  ab  apostolis  observatam  constat,  quoties  aliquem  ecclesiae  ministerio  admovebant.  Qua  ratione,  impositionem  manuum  presbyterii  Paulus  vocat  ordinationem  ipsam,  qua  in  episcopatum  assumptus  erat  Timotheus  (1  Tim.  4).  Quanquam  scio  presbyterium  eo  loco  a  quibusdam  accipi,  pro  coetu  seniorum.  Sed  simplicius,  meo  iudicio,  de  ministerio  intelligetur.  Hunc  autem  ritum  ductum  existimo  ab  Hebraeorum  more;  qui  quod  benedictum  ac  sanctificatum  volebant,  manuum  im-  [OS  218]  positione,  velut  Deo  repraesentabant.  Sic  Iacob  benedicturus  Ephraim  et  Manasse,  eorum  capitibus  manum  imposuit;  quo,  ut  arbitror,  significatu,  Iudaei,  1)  1.  Caus.  quaest.  1.  c.  detrahe.