8:19  19  DE  SCANDALIS.  20  nihil  nobis  sit  reliquum  praeter  extremam  bonorum  omnium  inopiam.  Nam  illic  stultitiae  damnatur  Universa  nominum  sapientia:  iustitia  et  virtus  rediguntur  in  nihilum.  Hoc  vero  carnis  superbiae  adeo  videtur  intolerabile,  ut  prae  indignitate  frendant,  quicunque  nondum  se  ipsos  abnegare  didicerunt.  Volunt  enim  homines  semper  retinere  aliquid  proprium:  atque  ut  aliqua  ex  parte  coacti  cedant  Deo,  sibi  tamen  omnia  semel  eripi  nullo  modo  sustinent.  Initio  sibi  videntur  sapientissimi,  fiducia  virtutis  suae  inflati  sunt  iustitiam  suam  admirantur.  Postea  a  Deo  moniti,  partim  etiam  convicti  experientia,  sapientiam  quidem  suam  vacillare,  virtutem  et  iustitiam  claudicare  agnoscunt:  sed  ut  se  prorsus  omni  destitui  sapientia  et  iustitia  credant,  nullo  modo  possunt  adduci.  Hoc  autem  quid  aliud  est  quam  veluti  facta  pactione  cum  Deo  partiri?  Evangelium  autem  lucem  illam  quam  nos  habere  imaginamur,  pronunciat  esse  meras  tenebras:  iustitiae  vero  nullam  adeo  guttam  relinquit,  ut  foetidas  coram  Deo  sordes  esse  pronunciet,  quaecunque  a  nobis  afferimus.  Hic  excandescunt  mundi  sapientes:  hypocritae  etiam  insaniunt.  Atque  haec  praecipua  causa  fuit  cur  circa  regni  Christi  exordia  tota  philosophorum  natio,  quasi  facta  conspiratione,  una  cum  politicis  omnibus,  ])  tam  ardenter  se  evangelio  opposuerit.  Nolebant  enim  suam  sibi  sapientiam  perire,  quam  et  ipsi  instar  idoli  adorabant,  et  cuius  causa  maximo  in  honore  se  haberi  noverant.  Atque  utinam  minus  talium  hominum  offensione  commoti  fuissent  prisci  spag.  19]  doctores!  Nam  dum  illis  mulcendis  pharmaca  adhibere  student,  dilutam  ac  degenerem2)  theologiam  nobis  tradiderunt.  Nunquam  sponte  ita  loquuti  essent  Origenes,  Tertullianus,  Cyprianus,  Basilius,  Chrysostomus,  et  eius  ordinis  reliqui.  3)  Sed  dum  temperamentum  quaerunt  placandis  mundi  sapientibus,  vel  declinandae  eorum  offensioni,  terram  coelo  miscuerunt.  Hominem  prorsus  exinanire  odiosum  erat,  et  communi  iudicio  adversum.4)  Mitigationem  excogitant,  quae  ad  carnis  sensum  propius  accedat:  sed  interea  doctrinae  sinceritas  profanatur.  Ergo  nihil  melius  quam  ulcus  ipsum  fortiter  premi,  quo  fieri  possit  ex  sanie  ipsa  iudicium.  Nihil  autem  clarius,  quam  vesana  superbia  incitatos  semper  fuisse  homines,  ut  evangelio  obstreperent.  Eadem  causa  Iudaeos  incitabat  ad  belluinum  furorem,  quo  percitos  fuisse  ipsos  testes  sunt  evangelistae,  praesertim  Lucas  et  Paulus.  Nam  1)  avec  leurs  gouverneurs  et  gens  d'estat.  2)  froide  et  desguisee.  3)  Add.  s'ils  eut  &  ent  suyvi  ce  que  Dieu  leur  avoit  donne  de  iugement.  4)  Ces  bons  personnages  cerchent  un  moyen  plus  conforme  au  sens  humain,  c'est  de  conceder  ie  ne  say  quoy  au  franc  arbitre  et  laisser  quelque  vertu  naturelle  aux  hommes.