6:19  LE  CATECHISME  DE  GENEVE.  pour  nostre  Sauveur:  et  le  moyen  comme  il  nous  a  delivre  de  la  mort,  et  acquis  salut.  LE  MINISTREQue  signifie  ce  mot  Iesus,  par  lequel  tu  le  nommes?  L'ENFANT.  C'est  a  dire  Sauveur:  et  luy  a  este  impose  de  l'Ange,  par  le  commandement  de  DIEU  (Matth.  i,  21).  LE  MINISTRE.  Cela  vaut-il  plus  que  s'il  eust  receu  ce  Nom  des  hommes?  L'ENFANT.  Ouy  bien.  Car  puis  que  Dieu  veut  qu'il  soit  ainsi  appelle,  il  faut  qu'il  soit  tel  a  la  verite.  LE  MINISTRE.  Que  veut  dire  puis  apres  le  mot  de  Christ?  L'ENFANT.  Par  ce  tiltre  est  encore  mieux  declaire  son  office.  C'est  qu'il  a  este  oinct  du  Pere  celeste,  pour  estre  ordonne  Roy,  Prestre  ou  Sacrificateur,  et  Prophete.  LE  MINISTRE.  Comment  scais-tu  cela?  L'ENFANT.  Pource  que  selon  l'Escriture,  Function  doit  servir  a  ces  trois  choses.  Et  aussi  elles  luy  sont  attribuees  plusieurs  fois.  LE  MINISTRE.  Mais  de  quel  genre  d'huile  a  il  este  oinct?  L'ENFANT.  Ce  n'a  pas  este  d'une  huile  visible,  comme  les  anciens  Roys,  Prestres,  et  Prophetes.  Mais  ce  a  este  des  graces  du  sainct  Esprit,  qui  est  la  verite  de  ceste  unction  exterieure,  qui  se  faisoit  le  temps  passe  (Ps.  45).  LE  MINISTRE.  Quel  est  ce  Royaume  dont  tu  parles?  L'ENFANT.  Il  est  spirituel:  et  consiste  en  la  parolle  et  en  l'Esprit  de  Dieu,  qui  contiennent  [fol.  8]  iustice  et  vie.  LE  MINISTRE.  Et  la  prestrise?  L'ENFANT.  C'est  l'office  et  authorite  de  se  representer  devant  Dieu,  pour  obtenir  grace  et  faveur,  appaiser  aon  ire,  en  offrant  sacrifice  qui  luy  soit  aggreable.  LE  MINISTRE.  Comment  est-ce  que  tu  dis  Iesus  Christ  Prophete?  L'ENFANT.  Pource  qu'en  descendant  au  monde,  il  a  este  Messagier  et  Ambassadeur  souverain  de  Dieu  son