58:19  19  PREMIER  SERMON  voquions  pour  le  boire  et  pour  le  manger.  Car  en  tout  et  par  tout  il  veut  que  nous  aions  nostre  recours  a  lui.  Ne  doutons  pas  donc,  combien  que  noz  corps  ne  soient  que  terre  et  cendre,  et  pourriture,  qu'ils  ne  soient,  par  maniere  de  dire,  que  cles  charongnes  qui  ne  vallent  rien,  que  Dieu  neantmoins  pourvoira  a  toutes  noz  necessitez  corporelles.  C'est  ce  que  nous  avons  encore  a  aiouster  pour  le  second.  Or  cependant  il  nous  faut  ici  voir  la  comparaison  que  met  Moise  entre  Ismael  et  Isaac.  Voila  Ismael  qui  est  retrenche,  et  n'est  plus  repute  des  enfans  de  Dieu:  et  toutesfois  nous  voyons  qu'il  prospere,  et  qu'il  a  grande  lignee.  Car  de  douze  enfans  masles  qu'il  a  engendrez,  voila  douze  peuples  qui  en  sortent.  Et  cependant  d'Isaac,  quoi?  Isaac  se  marie  a  quarante  ans,  et  puis  sa  femme  est  sterile:  et  ce  n'est  pas  pour  un  an,  ni  pour  deux:  mais  c'est  iusques  a  vingt  ans,  qu'il  n'a  point  de  lignee.  Dieu  lui  avoit  dit,  Ie  multiplieray  ta  semence  comme  les  estoilles  du  ciel,  et  comme  le  gravier  de  la  mer  (Genese  15,  5).  Cela  estoit  prononce  a  son  pere  Abraham:  mais  c'estoit  en  faveur  de  lui.  Or  maintenant  il  pouvoit  desia  estre  augmento,  commeil  avoit  attendu:  cependant  il  void  sa  femme  sterile,  comme  si  Dieu  se  vouloit  mocquer  de  lui,  et  lui  monstrer  que  ce  qu'il  avoit  espere,  n'estoit  rien.  Quand  donques  il  voit  son  frere  Ismael,  lequel  n'a  pas  de  racine  en  l'Eglise,  lequel  est  estranger  de  toute  esperance  de  salut  :  quand  il  le  voit  fleurir  en  lignee,  qu'il  semble  que  Dieu  ait  desploye  toutes  ses  graces  sur  lui:  et  cependant  qu'il  est  la  laisse  en  sa  maison  tout  seul,  qu'il  n'a  point  mesme  un  successeur:  il  est  certain  qu'il  pouvoit  estre  en  grand  trouble,  comme  s'il  eust  beaucoup  mieux  vallu  qu'il  eust  ressemble  a  son  frere  Ismael.  C'estoit  pour  lui  faire  tout  quitter,  apres  s'estre  desespere,  et  avoir  despite  Dieu:  il  se  fust  desbauche  iusques  au  bout,  sinon  qu'il  eust  este  retenu  d'une  patience  singuliere.  Or  ici  donc  nous  avons  a  contempler,  comme  en  un  miroir,  la  condition  de  l'Eglise  de  Dieu,  comme  elle  commence,  et  comme  Dieu  l'entretient,  et  la  multiplie:  c'est  d'une  facon  si  estrange,  qu'il  semble  qu'a  tous  les  coups,  ce  que  Dieu  aura  donne  de  monstre,  ne  soit  que  pour  nous  decevoir,  par  maniere  de  dire.  Car  au  lieu  que  les  enfans  de  ce  monde  ont  belle  apparence,  et  qu'on  les  verra  croistre  a  l'oeil,  l'Eglise  sera  cachee  sous  terre:  on  verra  la  terre  remplie  d'incredules,  de  contempteurs  de  Dieu,  et  de  gens  profanes:  et  ou  est-ce  qu'on  trouvera  les  fideles?  Ils  seront  bien  clair  semez:  et  mesme  on  ne  les  pourra  appercevoir:  ils  seront  mesprisez,  on  les  foulera  quasi  aux  piez,  on  pensera  que  Dieu  n'ait  point  son  Eglise  pour  recommandee,  et  que  cependant  il  prene  plaisir  que  les  incredules  facent  leurs  triomphes,  qu'ils  facent  leurs  parades  et  leurs  pompes.  Or  donc  cela  nous  est  monstre  en  la  personne